സമ്പർക്കം135  രോഗമുക്തി 134

കണ്ണൂർ: ജില്ലയിൽ ഇന്നലെ 152 പേർക്ക് കൊവിഡ് 19 സ്ഥിരീകരിച്ചു. 135 പേർക്ക് സമ്പർക്കം മൂലമാണ് രോഗബാധ. എട്ടു പേർ ഇതര സംസ്ഥാനങ്ങളിൽ നിന്നെത്തിയവരും അഞ്ചു പേർ വിദേശത്ത് നിന്നെത്തിയവരും നാലു പേർ ആരോഗ്യ പ്രവർത്തകരുമാണ്.

ഇതോടെ ജില്ലയിലെ കൊവിഡ് പോസിറ്റീവ് കേസുകൾ 27,438 ആയി. ഇവരിൽ 134 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 22,371 ആയി. 123 പേർ കൊവിഡ് മൂലം മരണപ്പെട്ടു. 4620 പേർ ചികിത്സയിലാണ്. ഇതിൽ 3670 പേർ വീടുകളിലും ബാക്കി 794 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.

ജില്ലയിൽ നിലവിൽ നിരീക്ഷണത്തിലുള്ളത് 18,989 പേരാണ്. ഇതിൽ 18,082 പേർ വീടുകളിലും 907 പേർ ആശുപത്രികളിലുമാണ്. ഇതുവരെ 2,39,001 സാമ്പിളുകൾ പരിശോധനയ്ക്ക് അയച്ചതിൽ 2,38,645 എണ്ണത്തിന്റെ ഫലം വന്നു. 356 എണ്ണത്തിന്റെ ഫലം ലഭിക്കാനുണ്ട്.