സമ്പർക്കം 279 രോഗമുക്തി 178

കണ്ണൂർ: ജില്ലയിൽ ചൊവ്വാഴ്ച 301 പേർക്ക് കൊവിഡ് 19 സ്ഥിരീകരിച്ചു. 279 പേർക്ക് സമ്പർക്കം മൂലമാണ് രോഗബാധ. 13 പേർ ഇതര സംസ്ഥാനങ്ങളിൽ നിന്നും ഒരാൾ വിദേശത്ത് നിന്നുമെത്തിയവരും എട്ട് പേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 27,739 ആയി. ഇവരിൽ ഇന്നലെ രോഗമുക്തി നേടിയ 178 പേർ ഉൾപ്പെടെ രോഗം ഭേദമായവരുടെ എണ്ണം 22,549 ആയി. 124 പേർ കൊവിഡ് മൂലം മരണപ്പെട്ടു. 4593 പേർ ചികിത്സയിലാണ്. ഇതിൽ 3670 പേർ വീടുകളിലും ബാക്കി 786 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.

ജില്ലയിൽ നിലവിൽ നിരീക്ഷണത്തിലുള്ളത് 18,964 പേരാണ്. ഇതിൽ 18,064 പേർ വീടുകളിലും 900 പേർ ആശുപത്രികളിലുമാണ്.

ഇതുവരെ 2,43,345 സാമ്പിളുകൾ പരിശോധനയ്ക്ക് അയച്ചതിൽ 2,42,767 എണ്ണത്തിന്റെ ഫലം വന്നു. 578 എണ്ണത്തിന്റെ ഫലം ലഭിക്കാനുണ്ട്.