കാസർകോട്: ജില്ലയിൽ 81 പേർക്ക് ഇന്നലെ കൊവിഡ് 19 പോസിറ്റീവായപ്പോൾ നെഗറ്റീവായത് 207 പേർക്ക്. സമ്പർക്കത്തിലൂടെ 74 പേർക്കും ഇതരസംസ്ഥാനത്ത് നിന്നെത്തിയ ആറു പേർക്കും വിദേശത്ത് നിന്നെത്തിയ ഒരാൾക്കുമാണ് കൊവിഡ് സ്ഥിരീകരിച്ചത്. 1385 പേരാണ് നിലവിൽ ചികിത്സയിലുള്ളത്.

19,871 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 18,277 പേർ രോഗമുക്തരായി. മരണപ്പെട്ടവരുടെ എണ്ണം 207 ആയി.

വീടുകളിൽ 4842 പേരും സ്ഥാപനങ്ങളിൽ 559 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 5401 പേരാണ്. പുതിയതായി 520 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1227 സാമ്പിളുകൾ കൂടി പരിശോധനയ്ക്ക് അയച്ചു.