കാസർകോട്: ജില്ലയിൽ ബുധനാഴ്ച 141 പേർക്ക് കൊവിഡ് 19 പോസിറ്റീവായി. സമ്പർക്കത്തിലൂടെ 135 പേർക്കും ഇതരസംസ്ഥാനത്ത് നിന്നെത്തിയ രണ്ടു പേർക്കും വിദേശത്ത് നിന്നെത്തിയ നാലു പേർക്കുമാണ് കൊവിഡ് സ്ഥിരീകരിച്ചത്. 147 പേർക്ക് രോഗം ഭേദമായി.

20,012 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 18,424 പേർക്ക് രോഗം ഭേദമായി.നിലവിൽ 1379 പേരാണ് ചികിത്സയിലുള്ളത്. മരണപ്പെട്ടവരുടെ എണ്ണം 209 ആയി.

വീടുകളിൽ 5126 പേരും സ്ഥാപനങ്ങളിൽ 514 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 5640 പേരാണ്. പുതിയതായി 82 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1032 സാമ്പിളുകൾ കൂടി പരിശോധനയ്ക്ക് അയച്ചു. 256 പേരുടെ പരിശോധനാ ഫലം ലഭിക്കാനുണ്ട്.