കാഞ്ഞങ്ങാട്: ജില്ലാ ആശുപത്രിക്ക് മുമ്പിൽ 19 മുതൽ അനിശ്ചിതകാല നിരാഹാരസമരം ആരംഭിക്കാൻ ജനകീയ കർമ്മ സമിതി യോഗം തീരുമാനിച്ചു. കൺവീനർ അമ്പലത്തറ കുഞ്ഞികൃഷ്ണൻ, ചെയർപേഴ്‌സൺ സിസ്റ്റർ ജയ മംഗലത്ത് എന്നിവർ നിരാഹാരം ഏറെറടുക്കും. സമരത്തോട് അധികാരികൾ കണിക്കുന്ന നിഷേധാത്മകമായ നിലപാടിൽ പ്രതിഷേധിച്ചാണ് രാപകൽ സമരവുമായി മുന്നോട്ടു പോകുന്നത്.

ആശുപത്രി മാനേജമെന്റ് കമ്മിറ്റി എല്ലാ രോഗിക്കൾക്കും ചികിത്സ കൊടുക്കണമെന്ന് ഐകകണ്ഠ്യനെ പ്രമേയം പാസാക്കിയെങ്കിലും ബന്ധപ്പെട്ടവർ തീരുമാനം എടുക്കാത്തതിൽ യോഗം ഉൾക്കണ്ഠ പ്രകടിപ്പിച്ചു. ആവശ്യങ്ങൾ അംഗീകരിച്ച് പാവപ്പെട്ട രോഗികളുടെ നിസ്സഹായവസ്ഥയ്ക്ക് പരിഹാരം കാണണമെന്ന് കർമ്മസമിതി ആവശ്യപ്പെട്ടു. സി. യൂസഫ് ഹാജി അദ്ധ്യക്ഷത വഹിച്ചു. കുഞ്ഞിക്കണ്ണൻ കക്കാണത്ത്, പി.വി. രാജേന്ദ്രകുമാർ , കെ.വി.ലക്ഷ്മണൻ , സിജൊ അമ്പാട്ട്, കെ.പി.രാമചന്ദ്രൻ , സുബൈർ എം.പി, മുനീസ അമ്പലത്തറ, എൻ.വി. പ്രശാന്ത്, ആന്റോ സംസാരിച്ചു. അമ്പലത്തറ കുഞ്ഞികൃഷ്ണൻ സ്വാഗതവും പവിത്രൻ തോയമ്മൽ നന്ദിയും പറഞ്ഞു