സമ്പർക്കം 309 രോഗമുക്തി 223

കണ്ണൂർ: ജില്ലയിൽ വ്യാഴാഴ്ച 346 പേർക്ക് കൊവിഡ് 19 സ്ഥിരീകരിച്ചു. 309 പേർക്ക് സമ്പർക്കം മൂലമാണ് രോഗബാധ. 23 പേർ ഇതര സംസ്ഥാനങ്ങളിൽ നിന്നും ആറു പേർ വിദേശത്ത് നിന്നുമെത്തിയവരും എട്ടുപേർ ആരോഗ്യ പ്രവർത്തകരുമാണ്.

ഇതോടെ ജില്ലയിലെ കൊവിഡ് പോസിറ്റീവ് കേസുകൾ 28,349 ആയി. ഇവരിൽ 223 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 23,288 ആയി. 129 പേർ കൊവിഡ് മൂലം മരണപ്പെട്ടു. 4406 പേർ ചികിത്സയിലാണ്. ഇതിൽ 3682 പേർ വീടുകളിലും ബാക്കി 693 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായാണ് ചികിത്സയിൽ കഴിയുന്നത്.
ജില്ലയിൽ നിലവിൽ നിരീക്ഷണത്തിലുള്ളത് 18,453 പേരാണ്. ഇതിൽ 17,662 പേർ വീടുകളിലും 791 പേർ ആശുപത്രികളിലുമാണ്.

ഇതുവരെ 2,49,919 സാമ്പിളുകൾ പരിശോധനയ്ക്ക് അയച്ചതിൽ 2,49,488 എണ്ണത്തിന്റെ ഫലം വന്നു. 431 എണ്ണത്തിന്റെ ഫലം ലഭിക്കാനുണ്ട്.