കണ്ണൂർ: തദ്ദേശ സ്വയംഭരണ സ്ഥാപന തിരഞ്ഞെടുപ്പിൽ ജില്ലയിൽ ആകെ സജ്ജീകരിക്കുന്നത് 2471 പോളിംഗ് ബൂത്തുകൾ . 71 ഗ്രാമ പഞ്ചായത്തുകളിലായി 2014 ബൂത്തുകളുണ്ടാകും. എട്ട് നഗരസഭകളിലായി 310 ഉം കണ്ണൂർ കോർപ്പറേഷനിൽ 147ഉം ബൂത്തുകൾ ഉണ്ട്.
ജില്ലയിലെ 1166 ഗ്രാമ പഞ്ചായത്ത് വാർഡുകളിലേക്കും 11 ബ്ലോക്ക് പഞ്ചായത്തുകളിലായി 149 വാർഡുകളിലേക്കും ജില്ലാ പഞ്ചായത്തിലെ 24 വാർഡുകളിലേക്കുമാണ് തിരഞ്ഞെടുപ്പ് . എട്ട് നഗരസഭകളിലായി 289 വാർഡുകളിലേക്കും കണ്ണൂർ കോർപ്പറേഷനിൽ 55 വാർഡുകളിലേക്കുമാണ് തിരഞ്ഞെടുപ്പ്.
അതത് വരണാധികാരികൾ പോളിംഗ് ബൂത്തുകൾ നേരിട്ട് സന്ദർശിച്ച് സൗകര്യങ്ങൾ വിലയിരുത്തണമെന്ന് ജില്ലാ തെരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ നിർദേശം നൽകി. കൊവിഡ് മാനദണ്ഡങ്ങളും ഹരിത പെരുമാറ്റചട്ടവും പാലിച്ച് വോട്ടെടുപ്പ് സുഗമമായി നടത്താനുളള ക്രമീകരണങ്ങൾ ഒരുക്കാനാണ് നിർദേശം. ബൂത്തുകൾ ഭിന്നശേഷി സൗഹൃദമാക്കാനാവശ്യമായ ക്രമീകരണങ്ങളും ഒരുക്കും.