322 പേർക്ക് സമ്പർക്കം 572 പേർക്ക് രോഗമുക്തി

കണ്ണൂർ: ജില്ലയിൽ ശനിയാഴ്ച 363 പേർക്ക് കൊവിഡ് 19 സ്ഥിരീകരിച്ചു. 322 പേർക്ക് സമ്പർക്കം മൂലമാണ് രോഗബാധ. 20 പേർ ഇതര സംസ്ഥാനങ്ങളിൽ നിന്നെത്തിയവരും 11 പേർ വിദേശത്ത് നിന്നെത്തിയവരും 10 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 28,952 ആയി. ഇവരിൽ 572 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 24,303 ആയി. 131 പേർ കൊവിഡ് മൂലം മരണപ്പെട്ടു. 3967പേർ ചികിത്സയിലാണ്. ഇതിൽ 3306 പേർ വീടുകളിലും ബാക്കി 637 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 17,757 പേരാണ്. ഇതിൽ 16,968 പേർ വീടുകളിലും 789 പേർ ആശുപത്രികളിലുമാണ്. ഇതുവരെ 2,55,749 സാമ്പിളുകൾ പരിശോധനയ്ക്ക് അയച്ചതിൽ 2,55,297 എണ്ണത്തിന്റെ ഫലം വന്നു. 452 എണ്ണത്തിന്റെ ഫലം ലഭിക്കാനുണ്ട്.