145 പേർക്ക് രോഗമുക്തി

കാസർകോട്: ജില്ലയിൽ 139 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 136 പേർക്കും വിദേശത്ത് നിന്നെത്തിയ മൂന്നുപേർക്കുമാണ് കൊവിഡ് സ്ഥിരീകരിച്ചത്. 145 പേർക്ക് ഇന്നലെ രോഗം ഭേദമായി. നിലവിൽ 1364 പേരാണ് ചികിത്സയിലുള്ളത്.

20,340 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 18,764 പേർ രോഗമുക്തരായി. മരണപ്പെട്ടവരുടെ എണ്ണം 212 ആയി.

വീടുകളിൽ 5467 പേരും സ്ഥാപനങ്ങളിൽ 531 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 5998 പേരാണ്. പുതിയതായി 409 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1047 സാമ്പിളുകൾ കൂടി പരിശോധനയ്ക്ക് അയച്ചു. 285 പേരുടെ പരിശോധനാ ഫലം ലഭിക്കാനുണ്ട്.