സമ്പർക്കം 190  രോഗമുക്തി 340

കണ്ണൂർ: ജില്ലയിൽ ഞായറാഴ്ച 203 പേർക്ക് കൊവിഡ് 19 സ്ഥിരീകരിച്ചു. 190 പേർക്ക് സമ്പർക്കം മൂലമാണ് രോഗബാധ. ഏഴു പേർ ഇതരസംസ്ഥാനങ്ങളിൽ നിന്നും ഒരാൾ വിദേശത്തു നിന്നും എത്തിയവരും അഞ്ചു പേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 29,155 ആയി. ഇവരിൽ 340 പേർ ഇന്നലെ രോഗമുക്തി നേടിയതോടെ രോഗം ഭേദമായവർ 24,643 ആയി. 131 പേർ കൊവിഡ് മൂലം മരണപ്പെട്ടു. 3327 പേർ വീടുകളിലും 636 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായി 3986 പേർ നിലവിൽ ചികിത്സയിലാണ്.

ജില്ലയിൽ നിരീക്ഷണത്തിലുള്ള 17,653 പേരിൽ 16,890 പേർ വീടുകളിലും 763 പേർ ആശുപത്രികളിലുമാണ്. ഇതുവരെ 2,58,557 സാമ്പിളുകൾ പരിശോധനയ്ക്ക് അയച്ചതിൽ 2,58,189 എണ്ണത്തിന്റെ ഫലം വന്നു. 368 എണ്ണത്തിന്റെ ഫലം ലഭിക്കാനുണ്ട്.