118 പേർക്ക് രോഗമുക്തി

കാസർകോട്: ജില്ലയിൽ 62 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 59 പേർക്കും ഇതരസംസ്ഥാനത്ത് നിന്നെത്തിയ ഒരാൾക്കും വിദേശത്ത് നിന്നെത്തിയ രണ്ട് പേർക്കുമാണ് കൊവിഡ് സ്ഥിരീകരിച്ചത്. ഇതോടെ ഇതുവരെ രോഗം സ്ഥിരീകരിച്ചവരുടെ എണ്ണം 20,402 ആയി. അതേസമയം ഇന്നലെ 118 പേർക്ക് കൊവിഡ് നെഗറ്റീവായി. 215 പേ‌ർ ഇതിനകം മരണപ്പെട്ടു.

വീടുകളിൽ 5516 പേരും സ്ഥാപനങ്ങളിൽ 553 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 6069 പേരാണ്. പുതിയതായി 598 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1002 സാമ്പിളുകൾ കൂടി പരിശോധനയ്ക്ക് അയച്ചു. 236 പേരുടെ പരിശോധനാ ഫലം ലഭിക്കാനുണ്ട്.