രോഗമുക്തി 285 പേർക്ക്

കണ്ണൂർ: ജില്ലയിൽ തിങ്കളാഴ്ച 110 പേർക്ക് കൊവിഡ് ബാധ സ്ഥിരീകരിച്ചു. 99 പേർക്ക് സമ്പർക്കം മൂലമാണ് രോഗബാധ. മൂന്നു പേർ ഇതരസംസ്ഥാനങ്ങളിൽ നിന്നെത്തിയവരും എട്ടു പേർ ആരോഗ്യ പ്രവർത്തകരുമാണ്.

ഇതോടെ ജില്ലയിലെ കൊവിഡ് പോസിറ്റീവ് കേസുകൾ 29,265 ആയി. ഇവരിൽ 285 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 24,928 ആയി. 135 പേർ കൊവിഡ് മൂലം മരണപ്പെട്ടു. 3273 പേർ വീടുകളിലും 606പേർ വിവിധ ആശുപത്രികളിലും സി.എഫ്.എൽ.ടി.സികളിലുമായി 3904 പേർ ചികിത്സയിലാണ്.
ജില്ലയിൽ നിലവിൽ നിരീക്ഷണത്തിലുള്ളത് 17,390 പേരാണ്. ഇതിൽ 16,676 പേർ വീടുകളിലും 714 പേർ ആശുപത്രികളിലുമാണ്. ഇതുവരെ 2,59,930 സാമ്പിളുകൾ പരിശോധനയ്ക്ക് അയച്ചതിൽ 2,59,569 എണ്ണത്തിന്റെ ഫലം വന്നു. 361 എണ്ണത്തിന്റെ ഫലം ലഭിക്കാനുണ്ട്.