കാസർകോട്: ജില്ലയിൽ 64 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 54 പേർക്കും ഇതരസംസ്ഥാനത്ത് നിന്നെത്തിയ ആറു പേർക്കും വിദേശത്ത് നിന്നെത്തിയ നാലു പേർക്കുമാണ് ഇന്നലെ കൊവിഡ് സ്ഥിരീകരിച്ചത്. 109 പേർക്ക് കൊവിഡ് നെഗറ്റീവായി.

20,466 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 1001 പേർ വിദേശത്ത് നിന്നെത്തിയവരും 755 പേർ ഇതരസംസ്ഥാനത്ത് നിന്നെത്തിയവരും 18,680 പേർക്ക് സമ്പർക്കത്തിലൂടെയിമാണ് രോഗം സ്ഥിരീകരിച്ചത്. 18,991 പേർ രോഗമുക്തരായി. മരണപ്പെട്ടവരുടെ എണ്ണം 216 ആയി. 1259 പേരാണ് ചികിത്സയിലുള്ളത്.

വീടുകളിൽ 5576 പേരും സ്ഥാപനങ്ങളിൽ 557 പേരുമുൾപ്പെടെ ജില്ലയിൽ നിരീക്ഷണത്തിലുള്ളത് 6133 പേരാണ്. പുതിയതായി 359 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 175 സാമ്പിളുകൾ കൂടി പരിശോധനയ്ക്ക് അയച്ചു. 43 പേരുടെ പരിശോധനാ ഫലം ലഭിക്കാനുണ്ട്.