സമ്പർക്കം 308 പേർക്ക് രോഗമുക്തി 631

കണ്ണൂർ: ജില്ലയിൽ ചൊവ്വാഴ്ച 335 പേർക്ക് കൊവിഡ് 19 സ്ഥിരീകരിച്ചു. 308 പേർക്ക് സമ്പർക്കം മൂലമാണ് രോഗബാധ. 15 പേർ ഇതര സംസ്ഥാനങ്ങളിൽ നിന്നെത്തിയവരും മൂന്നു പേർ വിദേശത്ത് നിന്നെത്തിയവരും ഒമ്പതു പേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 29,600 ആയി. ഇവരിൽ 631 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 25,559 ആയി. 139 പേർ കൊവിഡ് മൂലം മരണപ്പെട്ടു. 2774 പേർ വീടുകളിലും 585 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായി 3383 പേർ ചികിത്സയിലാണ്.
ജില്ലയിൽ നിലവിൽ നിരീക്ഷണത്തിലുള്ളത് 17,177 പേരാണ്. ഇതിൽ 16,491 പേർ വീടുകളിലും 686 പേർ ആശുപത്രികളിലുമാണ്.

ഇതുവരെ 2,63,184 സാമ്പിളുകൾ പരിശോധനയ്ക്ക് അയച്ചതിൽ 2,62,731 എണ്ണത്തിന്റെ ഫലം വന്നു. 453 എണ്ണത്തിന്റെ ഫലം ലഭിക്കാനുണ്ട്.