രോഗമുക്തി 473 പേർക്ക്

കണ്ണൂർ: ജില്ലയിൽ ശനിയാഴ്ച 211 പേർക്ക് കൊവിഡ് 19 സ്ഥിരീകരിച്ചു. 190 പേർക്ക് സമ്പർക്കം മൂലമാണ് രോഗബാധ. അഞ്ചുപേർ ഇതര സംസ്ഥാനങ്ങളിൽ നിന്നെത്തിയവരും ആറു പേർ വിദേശത്ത് നിന്നെത്തിയവരും 10 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിലെ കൊവിഡ് പോസിറ്റീവ് കേസുകൾ 30,612 ആയി. ഇവരിൽ 473 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 27,091 ആയി. 145 പേർ കൊവിഡ് മൂലം മരണപ്പെട്ടു. 2400 പേർ വീടുകളിലും ബാക്കി 536 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായി 2936 പേർ ചികിത്സയിലാണ്.
ജില്ലയിൽ നിലവിൽ നിരീക്ഷണത്തിലുള്ളത് 16,780 പേരാണ്. ഇതിൽ 16,132 പേർ വീടുകളിലും 648 പേർ ആശുപത്രികളിലുമാണ്. ഇതുവരെ 2,76,374 സാമ്പിളുകൾ പരിശോധനയ്ക്ക് അയച്ചതിൽ 2,75,987 എണ്ണത്തിന്റെ ഫലം വന്നു. 387 എണ്ണത്തിന്റെ ഫലം ലഭിക്കാനുണ്ട്.