രോഗമുക്തി 145 പേർക്ക്

കണ്ണൂർ: ജില്ലയിൽ വ്യാഴാഴ്ച 226 പേർക്ക് കൊവിഡ് 19 സ്ഥിരീകരിച്ചു. 211 പേർക്ക് സമ്പർക്കം മൂലമാണ് രോഗബാധ. അഞ്ചു പേർ ഇതര സംസ്ഥാനങ്ങളിൽ നിന്നെത്തിയവരും നാലു പേർ വിദേശത്ത് നിന്നെത്തിയവരും ആറു പേർ ആരോഗ്യ പ്രവർത്തകരുമാണ്.

ഇതോടെ ജില്ലയിലെ കൊവിഡ് പോസിറ്റീവ് കേസുകൾ 31,721ആയി. ഇവരിൽ 145 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 28,356 ആയി. 150 പേർ കൊവിഡ് മൂലം മരണപ്പെട്ടു. 2753 പേർ ചികിത്സയിലാണ്.
ജില്ലയിൽ നിലവിൽ നിരീക്ഷണത്തിലുള്ളത് 16,967 പേരാണ്. ഇതിൽ 16,374 പേർ വീടുകളിലും 593 പേർ ആശുപത്രികളിലുമാണ്.

ഇതുവരെ 2,90,367 സാമ്പിളുകൾ പരിശോധനയ്ക്കയച്ചതിൽ 2,89,970 എണ്ണത്തിന്റെ ഫലം വന്നു. 397 എണ്ണത്തിന്റെ ഫലം ലഭിക്കാനുണ്ട്.