114 പേർക്ക് രോഗമുക്തി

കാസർകോട്: ജില്ലയിൽ 122 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 113 പേർക്കും ഇതരസംസ്ഥാനത്ത് നിന്നെത്തിയ അഞ്ചു പേർക്കും വിദേശത്ത് നിന്നെത്തിയ നാലു പേർക്കുമാണ് കൊവിഡ് സ്ഥിരീകരിച്ചത്. കൊവിഡ് ചികിത്സയിലുണ്ടായിരുന്ന 114 പേർക്ക് രോഗം ഭേദമായെന്ന് ജില്ലാ മെഡിക്കൽ ഓഫീസർ (ഹെൽത്ത്) ഡോ. എ.വി. രാംദാസ് പറഞ്ഞു.

21,814 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 20,498 പേർക്ക് കൊവിഡ് നെഗറ്റീവായി. മരണപ്പെട്ടവരുടെ എണ്ണം 231 ആയി. നിലവിൽ 1085 പേരാണ് ചികിത്സയിലുള്ളത്.

വീടുകളിൽ 7809 പേരും സ്ഥാപനങ്ങളിൽ 478 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 8287 പേരാണ്. പുതിയതായി 1368 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1778 സാമ്പിളുകൾ കൂടി പരിശോധനയ്ക്ക് അയച്ചു. 351 പേരുടെ പരിശോധനാ ഫലം ലഭിക്കാനുണ്ട്.