രോഗമുക്തി 306 പേർക്ക്

കണ്ണൂർ: ജില്ലയിൽ ഇന്നലെ 175 പേർക്ക് കൊവിഡ് 19 സ്ഥിരീകരിച്ചു. 151 പേർക്ക് സമ്പർക്കം മൂലമാണ് രോഗബാധ. എട്ടുപേർ ഇതര സംസ്ഥാനങ്ങളിൽ നിന്നെത്തിയവരും 12 പേർ വിദേശത്ത് നിന്നെത്തിയവരും നാലു പേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 32,619 ആയി. ഇവരിൽ 306 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 29,241 ആയി. 153 പേർ മരണപ്പെട്ടു. ബാക്കി 2808 പേർ ചികിത്സയിലാണ്.

ജില്ലയിൽ നിലവിൽ നിരീക്ഷണത്തിലുള്ളത് 19,636 പേരാണ്. ഇതിൽ 19,124 പേർ വീടുകളിലും 512 പേർ ആശുപത്രികളിലുമാണ്.

ഇതുവരെ 3,00,067 സാമ്പിളുകൾ പരിശോധനയ്ക്ക് അയച്ചതിൽ 2,99,827 എണ്ണത്തിന്റെ ഫലം വന്നു. 240 എണ്ണത്തിന്റെ ഫലം ലഭിക്കാനുണ്ട്.