113 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 118 പേർക്ക് കൊവിഡ് സ്ഥിരീകരിച്ചു. 83 പേർ രോഗമുക്തി നേടി. രണ്ട് ആരോഗ്യ പ്രവർത്തകർ ഉൾപ്പെടെ 113 പേർക്ക് സമ്പർക്കത്തിലൂടെയാണ് രോഗബാധ. 5 പേർ ഇതര സംസ്ഥാനത്തു നിന്നും വിദേശത്തു നിന്നുമായി എത്തിയതാണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 7325 ആയി. 6429 പേർ ഇതുവരെ രോഗമുക്തരായി. ചികിത്സയിലിരിക്കെ മരിച്ചത് 54 പേർ. നിലവിൽ 842 പേരാണ് ചികിത്സയിലുള്ളത്. ഇവരിൽ 421 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം സ്ഥിരീകരിച്ചവർ
വെള്ളമുണ്ട, മേപ്പാടി സ്വദേശികളായ 14 പേർ വീതം, പടിഞ്ഞാറത്തറ 13 പേർ, വൈത്തിരി 10 പേർ, ബത്തേരി 9 പേർ, മീനങ്ങാടി 8 പേർ, എടവക, മുട്ടിൽ 7 പേർ വീതം, മാനന്തവാടി 5 പേർ, കൽപ്പറ്റ, കണിയാമ്പറ്റ, തൊണ്ടർനാട് 4 പേർ വീതം, പൊഴുതന 3 പേർ, മൂപ്പൈനാട്, പനമരം, പുൽപ്പള്ളി 2 പേർ വീതം, അമ്പലവയൽ, കോട്ടത്തറ, തവിഞ്ഞാൽ, നെന്മേനി, തിരുനെല്ലി സ്വദേശികളായ ഓരോരുത്തരുമാണ് സമ്പർക്ക ത്തിലൂടെ രോഗബാധിതരായത്. ഇതിൽ രണ്ടു പേരുടെ സമ്പർക്ക ഉറവിടം വ്യക്തമല്ല .

ഷാർജയിൽ നിന്ന് വന്ന മേപ്പാടി സ്വദേശി, ബീഹാറിൽ നിന്നെത്തി പടിഞ്ഞാറത്തറ താമസിക്കുന്ന 2 ബീഹാർ സ്വദേശികൾ, തമിഴ്നാട്ടിൽ നിന്ന് വന്ന കൽപ്പറ്റ സ്വദേശി, ഉത്തർപ്രദേശിൽ നിന്ന് വന്ന ബത്തേരി സ്വദേശി എന്നിവരാണ് ഇതര സംസ്ഥാനങ്ങളിൽ നിന്നും വിദേശത്തു നിന്നും എത്തി രോഗബാധിതരായത്.

രോഗമുക്തി നേടിയവർ
തവിഞ്ഞാൽ സ്വദേശികളായ 19 പേർ, പുൽപ്പള്ളി 8 പേർ, കൽപ്പറ്റ, മുട്ടിൽ 5 പേർ വീതം, കണിയാമ്പറ്റ, മൂപ്പൈനാട്, മീനങ്ങാടി 4 പേർ വീതം, പടിഞ്ഞാറത്തറ, തരിയോട് 3 പേർ വീതം, എടവക, മാനന്തവാടി 2 പേർ വീതം, തിരുനെല്ലി, മേപ്പാടി, പനമരം, അമ്പലവയൽ, പൂതാടി സ്വദേശികളായ ഓരോരുത്തരും വൈത്തിരി ഓറിയന്റൽ സി എഫ് എൽ ടി സി യിൽ ചികിത്സയിലായിരുന്ന മൂന്നുപേരും, 3 തമിഴ്നാട് സ്വദേശികളും ഒരു കർണാടക സ്വദേശിയും വീടുകളിൽ ചികിത്സയിലായിരുന്ന 12 പേരുമാണ് രോഗം ഭേദമായി ഡിസ്ചാർജ് ആയത്.

പുതുതായി നിരീക്ഷണത്തിലായത് 766 പേർ

512 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 8711 പേർ

552 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 986 സാമ്പിളുകൾ

ഇതുവരെ അയച്ചത് 135934 സാമ്പിളുകൾ

ഫലം ലഭിച്ചത് 131719

124394 നെഗറ്റീവും 7325 പോസിറ്റീവും