112 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 114 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. 79 പേർ രോഗമുക്തി നേടി. ഒരു ആരോഗ്യ പ്രവർത്തകൻ ഉൾപ്പെടെ 112 പേർക്ക് സമ്പർക്കത്തിലൂടെയാണ് രോഗബാധ. 7 പേരുടെ സമ്പർക്ക ഉറവിടം വ്യക്തമല്ല. 2 പേർ ഇതര സംസ്ഥാനത്തു നിന്നും വിദേശത്തു നിന്നുമായി എത്തിയതാണ്.
ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 7590 ആയി. 6595 പേർ ഇതുവരെ രോഗമുക്തരായി. ചികിത്സയിലിരിക്കെ 55 മരണം. നിലവിൽ 940 പേരാണ് ചികിത്സയിലുള്ളത്. ഇവരിൽ 420 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം സ്ഥിരീകരിച്ചവർ
വെള്ളമുണ്ട സ്വദേശികൾ 15, അമ്പലവയൽ, ബത്തേരി സ്വദേശികൾ 11 പേർ വീതം, കണിയാമ്പറ്റ, പടിഞ്ഞാറത്തറ, തൊണ്ടർനാട് സ്വദേശികൾ 8 പേർ വീതം, മാനന്ത വാടി, കൽപ്പറ്റ സ്വദേശികൾ 7 വീതം, കോട്ടത്തറ, മേപ്പാടി, തവിഞ്ഞാൽ, വൈത്തിരി സ്വദേശികളായ 6 പേർ വീതം, എടവക, നെന്മേനി സ്വദേശികൾ 3 വീതം, പനമരം, മീനങ്ങാടി സ്വദേശികൾ 2 വീതം, നൂൽപ്പുഴ, പൂതാടി, തിരുനെല്ലി സ്വദേശികളായ ഓരോരുത്തരും ആണ് സമ്പർക്കത്തിലൂടെ രോഗബാധിതരായത്.

ഒക്ടോബർ 25 ന് ഹൈദരാബാദിൽ നിന്ന് വന്ന മീനങ്ങാടി സ്വദേശി, ഒക്ടോബർ 26 ന് ഷാർജയിൽ നിന്നു വന്ന വെങ്ങപ്പള്ളി സ്വദേശി എന്നിവരാണ് ഇതര സംസ്ഥാനത്തു നിന്നും വിദേശത്തു നിന്നും എത്തി രോഗബാധിതരായത്.

രോഗമുക്തി നേടിയവർ
മേപ്പാടി സ്വദേശികൾ 11, തവിഞ്ഞാൽ, പനമരം സ്വദേശികൾ 7 പേർ വീതം, ബത്തേരി സ്വദേശികൾ 6, കണിയാമ്പറ്റ സ്വദേശികൾ 5, കൽപ്പറ്റ സ്വദേശികൾ 4, വൈത്തിരി, മീനങ്ങാടി സ്വദേശികൾ 3 പേർ വീതം, അമ്പലവയൽ, മുട്ടിൽ, തൊണ്ടർനാട് സ്വദേശികൾ 2 പേർ വീതം, കോട്ടത്തറ, നെന്മേനി, എടവക, മാനന്തവാടി, നൂൽപ്പുഴ സ്വദേശികളായ ഓരോരുത്തരും, ഓറിയന്റൽ സി.എഫ്.എൽ.ടി.സിയിൽ ചികിത്സയിലുള്ള ഒരാളും, മലപ്പുറം സ്വദേശികളായ 2 പേരും എറണാകുളം, കാസർകോട്, കർണാടക സ്വദേശികളായ ഓരോരുത്തരും വീടുകളിൽ നിരീക്ഷണത്തിലുള്ള 16 പേരുമാണ് രോഗമുക്തി നേടിയത്.

ഇന്നലെ നിരീക്ഷണത്തിലായത് 695 പേർ

471 പേർ നിരീക്ഷണകാലം പൂർത്തിയാക്കി

9138 പേർ നിലവിൽ നിരീക്ഷണത്തിൽ

629 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 911 സാമ്പിളുകൾ

ഇതുവരെ അയച്ചത് 138540 സാമ്പിളുകൾ

133959 പേരുടെ ഫലം ലഭിച്ചു

126369 നെഗറ്റീവും 7590 പോസിറ്റീവും