കൽപ്പറ്റ: വയനാട് ജില്ലയിൽ ഇന്നലെ 50 പേർക്ക് കൊവിഡ് സ്ഥിരീകരിച്ചു. 104 പേർ രോഗമുക്തി നേടി. രണ്ട് ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 8025 ആയി. 7044 പേർ ഇതുവരെ രോഗമുക്തരായി. ചികിത്സയിലിരിക്കെ 55 മരണം. നിലവിൽ 926 പേരാണ് ചികിത്സയിലുള്ളത്. ഇവരിൽ 438 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം സ്ഥിരീകരിച്ചവർ
പടിഞ്ഞാറത്തറ സ്വദേശികളായ 16 പേർ, മാനന്തവാടി 8 പേർ, മൂപ്പൈനാട് 7 പേർ, മീനങ്ങാടി 6 പേർ, മേപ്പാടി 5 പേർ, കൽപ്പറ്റ 3 പേർ, നൂൽപ്പുഴ, പനമരം, പൊഴുതന, പുൽപ്പള്ളി, തൊണ്ടർനാട് സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗബാധിതരായത്.

രോഗമുക്തി നേടിയവർ
വെള്ളമുണ്ട, മുട്ടിൽ സ്വദേശികളായ 11 പേർ വീതം, ബത്തേരി, വൈത്തിരി 8 പേർ വീതം, മേപ്പാടി 7 പേർ, പൂതാടി, തവിഞ്ഞാൽ 6 പേർ വീതം, മീനങ്ങാടി 4 പേർ, കണിയാമ്പറ്റ, പനമരം 3 പേർ വീതം, നൂൽപ്പുഴ, നെന്മേനി, അമ്പലവയൽ, മാനന്തവാടി, കൽപ്പറ്റ, പുൽപ്പള്ളി 2 പേർ വീതം, മൂപ്പൈനാട്, പടിഞ്ഞാറത്തറ, തൊണ്ടർനാട്, പൊഴുതന സ്വദേശികളായ ഓരോരുത്തരും കണിയാമ്പറ്റ സി.എഫ്.എൽ.ടി.സിയിൽ ചികിത്സയി ലായിരുന്ന 7 പേരും വീടുകളിൽ ചികിത്സയിലായിരുന്ന 14 പേരുമാണ് രോഗം ഭേദമായി ഡിസ്ചാർജ് ആയത്.

ഇന്നലെ നിരീക്ഷണത്തിലായത് 666 പേർ

466 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 9934 പേർ

589 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 285 പേരുടെ സാമ്പിളുകൾ

ഇതുവരെ അയച്ചത് 142921 സാമ്പിളുകൾ

142302 പേരുടെ ഫലം ലഭിച്ചു.

134277 നെഗറ്റീവും 8025 പോസിറ്റീവും