105 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 106 പേർക്ക് കൊവിഡ് സ്ഥിരീകരിച്ചു. 160 പേർ രോഗമുക്തി നേടി. 105 പേർക്ക് സമ്പർക്കത്തിലൂടെയാണ് രോഗബാധ. ഒരാളുടെ സമ്പർക്ക ഉറവിടം വ്യക്തമല്ല. ഒരാൾ ഇതര സംസ്ഥാനത്ത് നിന്ന് എത്തിയതാണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 8502 ആയി. 7505 പേർ ഇതുവരെ രോഗമുക്തരായി. ചികിത്സയിലിരിക്കെ 58 മരണം. നിലവിൽ 939 പേരാണ് ചികിത്സയിലുള്ളത്. ഇവരിൽ 486 പേർ വീടുകളിലാണ് ഐസൊലേഷനിൽ കഴിയുന്നത്.

രോഗബാധി​തർ
മുട്ടിൽ സ്വദേശികളായ 20 പേർ, പൂതാടി 14 പേർ, പനമരം 10 പേർ, മേപ്പാടി 9 പേർ, പടിഞ്ഞാറത്തറ 8 പേർ, മാനന്തവാടി 7 പേർ, ബത്തേരി, മീനങ്ങാടി 6 പേർ വീതം, വെള്ളമുണ്ട 5 പേർ, കണിയാമ്പറ്റ, കൽപ്പറ്റ 4 പേർ വീതം, നൂൽപ്പുഴ, പുൽപ്പള്ളി വൈത്തിരി 3 പേർ വീതം, നെന്മേനി 2 പേർ, തൊണ്ടർനാട് സ്വദേശിയായ ഒരാളുമാണ് സമ്പർക്കത്തിലൂടെ രോഗബാധിതരായത്. നവംബർ 13ന് ഡൽഹിയിൽ നിന്ന് വന്ന നൂൽപ്പുഴ സ്വദേശി ആണ് ഇതര സംസ്ഥാനത്ത് നിന്ന് വന്ന് രോഗബാധിതനായത്.

രോഗമുക്തർ
പനമരം സ്വദേശികളായ 12 പേർ, വെള്ളമുണ്ട, തവിഞ്ഞാൽ 8 പേർ വീതം, മാനന്തവാടി 7 പേർ, കണിയാമ്പറ്റ, പടിഞ്ഞാറത്തറ 5 പേർ വീതം, കൽപ്പറ്റ, മൂപ്പൈനാട്, പുൽപ്പള്ളി, മീനങ്ങാടി 4 പേർ വീതം, നെന്മേനി, ബത്തേരി, മുട്ടിൽ 3 പേർ വീതം, മേപ്പാടി, വൈത്തിരി, എടവക 2 പേർ വീതം, അമ്പലവയൽ, തരിയോട് ,പൂതാടി സ്വദേശികളായ ഓരോരുത്തരും വൈത്തിരി ഓറിയന്റൽ സി.എഫ്.എൽ.ടി.സിയിൽ ചികിത്സയിലുള്ള 12 പേരും രണ്ട് പശ്ചിമബംഗാൾ സ്വദേശികളും ഒരു തമിഴ്നാട് സ്വദേശിയും വീടുകളിൽ ചികിത്സയിലായിരുന്ന 66 പേരുമാണ് രോഗം ഭേദമായി ഡിസ്ചാർജ് ആയത്.

ഇന്നലെ നിരീക്ഷണത്തിലായത് 990 പേർ

577 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 11209 പേർ

570 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1107 സാമ്പിളുകൾ

ഇതുവരെ അയച്ചത് 147619 സാമ്പിളുകൾ

ഫലം ലഭിച്ചത് 146385

137883 നെഗറ്റീവും 8502 പോസിറ്റീവും

പുനർജ്ജനി: മരുന്ന് വിതരണം ചെയ്തു
കൽപ്പറ്റ: കൊവിഡ് മുക്തരായ പൊലീസ് സേനാംഗങ്ങളുടെ ആരോഗ്യ പുനസ്ഥാപനത്തിനുള്ള ആയുർവ്വേദ പദ്ധതിയായ പുനർജ്ജനിയുടെ മരുന്ന് വിതരണം എസ്.പി ഓഫീസിൽ നടന്നു. ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസർ ഡോ. മാത്യൂസ് പി.കുരുവിള ഔഷധക്കിറ്റ് ജില്ലാ ക്രൈം ബ്രാഞ്ച് ഡിവൈ.എസ്.പി വി.പി.സുരേന്ദ്രന് കൈമാറി. ഭാരതീയ ചികിത്സാ വകുപ്പ് ജില്ലാ സൂപ്രണ്ട് എം.എസ്.വിനോദ്, നോഡൽ ഓഫീസർ ഡോ.ടി.എൻ.ഹരിശങ്കർ മെഡിക്കൽ ഓഫീസർമാരായ ഡോ.അഞ്ജലി അൽഫോൺസ, മാനസി നമ്പ്യാർ തുടങ്ങിയവർ പങ്കെടുത്തു.