109 പേർക്ക് രോഗമുക്തി
165 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ കൊവിഡ് സ്ഥിരീകരിച്ചത് 171 പേർക്ക്. 109 പേർ രോഗമുക്തി നേടി. 4 ആരോഗ്യ പ്രവർത്തകർ ഉൾപ്പെടെ 165 പേർക്ക് സമ്പർക്കത്തിലൂടെയാണ് രോഗബാധ. 4 പേരുടെ സമ്പർക്ക ഉറവിടം വ്യക്തമല്ല. 6 പേർ വിദേശത്ത് നിന്നും ഇതര സംസ്ഥാനത്ത് നിന്നും എത്തിയതാണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 8673 ആയി. 7614 പേർ ഇതുവരെ രോഗമുക്തരായി. ചികിത്സയിലിരിക്കെ 60 മരണം.

നിലവിൽ 999 പേരാണ് ചികിത്സയിലുള്ളത്. ഇവരിൽ 528 പേർ വീടുകളിലാണ് ഐസൊലേഷനിൽ കഴിയുന്നത്.

രോഗബാധിതർ

കണിയാമ്പറ്റ സ്വദേശികളായ 16 പേർ, ബത്തേരി 14 പേർ, പടിഞ്ഞാറത്തറ 13 പേർ, നെന്മേനി 12 പേർ, വെങ്ങപ്പള്ളി 11 പേർ, മേപ്പാടി, പനമരം, എടവക 9 പേർ വീതം, പൊഴുതന 8 പേർ, അമ്പലവയൽ, മൂപ്പൈനാട്, കോട്ടത്തറ, കൽപ്പറ്റ, മുട്ടിൽ, പൂതാടി 7 പേർ വീതം, പുൽപ്പള്ളി 6 പേർ, തരിയോട് 5 പേർ, മാനന്തവാടി, നൂൽപ്പുഴ 4 പേർ വീതം, വൈത്തിരി, മീനങ്ങാടി, മുള്ളൻകൊല്ലി സ്വദേശികളായ ഓരോരുത്തരും ആണ് സമ്പർക്കത്തിലൂടെ രോഗ ബാധിതരായത്.

നവംബർ 5ന് ബാംഗ്ലൂരിൽ നിന്നു വന്ന 2 പൂതാടി സ്വദേശികൾ, നവംബർ 6ന് ഉത്തർ പ്രദേശിൽ നിന്ന് വന്ന 2 പടിഞ്ഞാറത്തറ സ്വദേശികൾ, അന്നു തന്നെ മധ്യപ്രദേശിൽ നിന്ന് വന്ന പടിഞ്ഞാറത്തറ സ്വദേശി, നവംബർ 7ന് ഇറ്റലിയിൽ നിന്ന് വന്ന മാനന്തവാടി സ്വദേശി എന്നിവരാണ് വിദേശത്തു നിന്നും ഇതര സംസ്ഥാനങ്ങളിൽ നിന്നും എത്തി രോഗബാധിതരായവർ.

രോഗമുക്തർ

ബത്തേരി, തൊണ്ടർനാട് സ്വദേശികളായ 9 പേർ വീതം, പനമരം 8 പേർ, മാനന്തവാടി 7 പേർ, എടവക 6 പേർ, വൈത്തിരി 4 പേർ, പൂതാടി, പടിഞ്ഞാറത്തറ, വെള്ളമുണ്ട 3 പേർ വീതം, നെന്മേനി, കൽപ്പറ്റ, മുട്ടിൽ 2 പേർ വീതം, മൂപ്പൈനാട്, പുൽപ്പള്ളി, തവിഞ്ഞാൽ, കണിയാമ്പറ്റ, തിരുനെല്ലി, കോട്ടത്തറ സ്വദേശികളായ ഓരോരുത്തരും, 2 കണ്ണൂർ സ്വദേശികളും, ഒരു തമിഴ്നാട് സ്വദേശിയും, വീടുകളിൽ ചികിത്സയിലുള്ള 42 പേരും രോഗം ഭേദമായി ഡിസ്ചാർജ് ആയി.

ഇന്നലെ നിരീക്ഷണത്തിലായത് 952 പേർ

691 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 11470 പേർ

579 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1546 സാമ്പിളുകൾ

ഇതുവരെ അയച്ചത് 149165 സാമ്പിളുകൾ

ഫലം ലഭിച്ചത് 147874

139201 നെഗറ്റീവും 8673 പോസിറ്റീവും