മേപ്പാടി: ആസ്റ്റർ വയനാട് സ്‌പെഷ്യാലിറ്റി ആശുപത്രിയിൽ കോഴിക്കോട് ആസ്റ്റർ മിംസിലെ ന്യൂറോ സയൻസസിന്റെ സഹകരണത്തോടെ നൂതന അപസ്മാര ചികിത്സാകേന്ദ്രം ആരംഭിച്ചു. അപസ്മാര ക്ലിനിക്, ഇഇജി, വീഡിയോ ഇഇജി, എപിലെപ്സി മോണിറ്ററിങ്, തലച്ചോറിന്റെ എം ആർ ഐ സ്‌കാനിംഗ്, അപസ്മാര ശാസ്ത്രക്രിയ, കീറ്റോജനിക്ഡയറ്റ് എന്നിവ അടങ്ങുന്ന ന്യൂറോളജി ലബോറട്ടറിയും ഇതോടൊപ്പം തുടങ്ങിയിട്ടുണ്ട്.
എപിലെപ്സി സെന്റർ ജില്ലാ മെഡിക്കൽ ഓഫീസർ ഡോ. ആർ.രേണുക ഉദ്ഘാടനം ചെയ്തു. എക്സിക്യൂട്ടീവ് ട്രസ്റ്റീ യു.ബഷീർ, ഡീൻ ഡോ. ഗോപകുമാരൻ കർത്താ, മെഡിക്കൽ സൂപ്രണ്ട് ഡോ. മനോജ് നാരായണൻ, എപിലെപ്സി സ്‌പെഷ്യലിസ്റ്റ് ഡോ. സച്ചിൻസുരേഷ് ബാബു, എജിഎം സൂപ്പി കല്ലങ്കോടൻ എന്നിവർ സംസാരിച്ചു. കൂടുതൽ വിവരങ്ങൾക്കും ബുക്കിങ്ങിനും ഫോൺ: 04936 287001.

ആസ്റ്റർ വയനാടിൽ ആരംഭിച്ച അപസ്മാരചികിത്സാ കേന്ദ്രത്തിന്റെ ഉദ്ഘാടനം ജില്ലാ മെഡിക്കൽഓഫീസർ ഡോ. ആർ.രേണുക നിർവ്വഹിക്കുന്നു