കൽപ്പറ്റ: വയനാട് ജില്ലയിൽ ഇന്നലെ 97 പേർക്ക് കൂടി കൊവിഡ് സ്ഥിരീകരിച്ചു. 116 പേർ രോഗമുക്തി നേടി. രണ്ട് ആരോഗ്യ പ്രവർത്തകർ ഉൾപ്പെടെ 90 പേർക്ക് സമ്പർക്കത്തിലൂടെയാണ് രോഗബാധ. ആറ് പേരുടെ സമ്പർക്കവിവരം ലഭ്യമല്ല. ഇതര സംസ്ഥാനത്ത് നിന്നെത്തിയ ഏഴ് പേർക്കും രോഗം സ്ഥിരീകരിച്ചു.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 8908 ആയി. 7924 പേർ ഇതുവരെ രോഗമുക്തരായി. ചികിത്സയിലിരിക്കെ 61 മരണം. നിലവിൽ 923 പേരാണ് ചികിത്സയിലുള്ളത്. ഇവരിൽ 540 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധിച്ചവർ
മാനന്തവാടി സ്വദേശികളായ 12 പേർ, കൽപ്പറ്റ, മേപ്പാടി 10 പേർ വീതം, നെന്മേനി, പൊഴുതന 8 പേർ വീതം, വൈത്തിരി 7 പേർ, കണിയാമ്പറ്റ 6 പേർ, മുട്ടിൽ 4 പേർ, അമ്പലവയൽ, എടവക, പനമരം, പുൽപ്പള്ളി, ബത്തേരി, തവിഞ്ഞാൽ, വെങ്ങപ്പള്ളി 3 പേർ വീതം, മീനങ്ങാടി, മുപ്പൈനാട്, നൂൽപ്പുഴ, പൂതാടി സ്വദേശികളായ ഓരോരുത്തരുമാണ് സമ്പർക്കത്തിലൂടെ രോഗബാധിതരായത്.
ഹൈദരാബാദിൽ നിന്ന് വന്ന ഒരു മാനന്തവാടി സ്വദേശി, രണ്ട് പനമരം സ്വദേശികൾ, കർണാടകയിൽ നിന്ന് വന്ന മേപ്പാടി സ്വദേശി, ഉത്തർപ്രദേശിൽ നിന്ന് വന്ന മാനന്തവാടി സ്വദേശി, തമിഴ്നാട്ടിൽ നിന്ന് വന്ന രണ്ട് ബത്തേരി സ്വദേശികൾ എന്നിവർക്കും രോഗം സ്ഥിരീകരിച്ചു.

രോഗമുക്തർ
കണിയാമ്പറ്റ സ്വദേശികളായ 10 പേർ, മാനന്തവാടി 6 പേർ, നെന്മേനി, എടവക, മേപ്പാടി 4 പേർ വീതം, ബത്തേരി, മുട്ടിൽ, പടിഞ്ഞാറത്തറ, പുൽപ്പള്ളി 3 പേർ വീതം, പൊഴുതന, വെള്ളമുണ്ട, അമ്പലവയൽ 2 പേർ വീതം, നൂൽപ്പുഴ, തവിഞ്ഞാൽ, തരിയോട്, കോട്ടത്തറ, മൂപ്പൈനാട്, വൈത്തിരി സ്വദേശികളായ ഓരോരുത്തരും രണ്ട് കർണാടക സ്വദേശികളും രണ്ടു തമിഴ്നാട് സ്വദേശികളും വീടുകളിൽ ചികിത്സയിലായിരുന്ന 60 പേരുമാണ് രോഗമുക്തി നേടിയത്.

ഇന്നലെ നിരീക്ഷണത്തിലായത് 876 പേർ

874 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 12276 പേർ

509 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1020 സാമ്പിളുകൾ

ഇതുവരെ അയച്ചത് 151166 സാമ്പിളുകൾ

ഫലം ലഭിച്ചത് 150593

141685 നെഗറ്റീവും 8908 പോസിറ്റീവും