കോഴിക്കോട്: കോഴിക്കോടൻ മലയോ‌ര ഗ്രാമങ്ങളിലെ തിരഞ്ഞെടുപ്പ് ചർച്ചാ വിഷയം സ്വർണക്കടത്തോ കിഫ്ബിയോ മുൻമന്ത്രി ഇബ്രാഹിം കുഞ്ഞിന്റെ അറസ്റ്റോ ഒന്നുമല്ല. കാട്ടുപന്നികളുടെ തീരാശല്യമാണ്. 'കാട്ടുപന്നിയുടെ ശല്യം തീർക്കാതെ വോട്ടിനായി ഈ പടി കയറേണ്ട" എന്ന് മിക്ക വീടുകളുടെയും പടിക്കൽ ബോർഡ് തൂക്കിയിരിക്കുകയാണ്.

കൃഷിയിടങ്ങളിൽ നിന്ന് വീടുകളിലേക്കു വരെ കടന്നുകയറുന്ന അവസ്ഥയിലാണ് കാട്ടുപന്നികൾ. വിളനാശത്തിനു പുറമേ സ്വസ്ഥമായി ജീവിക്കാൻ കൂടി കഴിയില്ലെന്നായാൽ എന്തു ചെയ്യുമെന്നാണ് കർഷകർ ചോദിക്കുന്നത്.

കോടഞ്ചേരിയിൽ ഒരു വീട്ടിൽ രണ്ടു കാട്ടുപന്നികൾ കടന്നുകയറിയതോടെ വീട്ടുകാർ ഒരു വിധത്തിൽ പുറത്തേക്ക് ചാടി രക്ഷപ്പെടുകയായിരുന്നു. കള്ളവാറ്റ് അകത്ത് ചെന്നതിന്റെ കൂടി പരാക്രമത്തിൽ ആ വീട്ടിലെ സർവതും നശിപ്പിച്ചിട്ടും വെടിവയ്ക്കാൻ ഡി.എഫ്.ഒ യുടെ അനുമതിക്കായി ഏറെനേരം കാക്കേണ്ടിവന്നില്ലേ എന്നാണ് നാട്ടുകാരുടെ ചോദ്യം.

ഉപദ്രവകാരികളായ കാട്ടുപന്നികളെ വെടിവച്ചുകൊല്ലാനുള്ള അനുമതി ആറ് മാസത്തേക്ക് കൂടി നീട്ടിയിട്ടുണ്ടെങ്കിലും അതിലെ സാങ്കേതികത്വം ചില്ലറയൊന്നുമല്ലെന്ന് കർഷകർ പറയുന്നു.അതുമാത്രമല്ല, ലൈസൻസ് ഇല്ലാത്ത തോക്ക് കൊണ്ട് വെടിവച്ചാൽ കേസ് വേറെയാകും. പിന്നെ തടവുശിക്ഷ വരെ അനുഭവിക്കേണ്ടി വരും.

ഒന്നുകിൽ വനം വകുപ്പുകാർ പരിഹാരം ഉറപ്പാക്കണം. അതല്ലെങ്കിൽ മറ്റു പ്രായോഗിക വഴികൾ തേടണം. തിരുവമ്പാടി, കോടഞ്ചേരി, കൂടരഞ്ഞി, ചക്കിട്ടപ്പാറ തുടങ്ങിയ മലയോര ഗ്രാമങ്ങളിലെയെല്ലാം ജനങ്ങൾ കാട്ടുപന്നിശല്യം ഒഴിയാബാധയായി നീളുന്നതിൽ കടുത്ത അമർഷത്തിലാണ്.

തദ്ദേശ തിരഞ്ഞെടുപ്പ് പ്ര​ഖ്യാ​പി​ച്ച​തിനു തൊട്ടുപിറകെ കൂടരഞ്ഞി പഞ്ചായത്തിലെ കൂ​മ്പാ​റയിൽ റി​ട്ട. അ​ദ്ധ്യാ​പ​ക​ൻ ത​ങ്ക​ച്ച​ൻ കി​ഴു​ക്ക​ര​ക്കാ​ട്ട്, ജെ​യിം​സ് പു​ളി​മൂ​ട്ടി​ൽ എന്നിവരുടെ വീ​ട്ടുപടിക്കലാണ് പ്രതിഷേധത്തിന്റെ ഫ്ളക്സ് ബോർഡ് ആദ്യം ഉയർന്നത്. വൈകാതെ, 'കാ​ട്ടു​പ​ന്നിശ​ല്യ​ത്തി​ന് പ​രി​ഹാ​രം കാ​ണാ​തെ വോ​ട്ടി​നാ​യി ഈ വീ​ടി​ന്റെ പ​ടി ക​യ​റേ​ണ്ട' ; എന്ന അറിയിപ്പ് പലരുടെയും വീടിന് മുന്നിൽ ഉയർന്നു.

കാ​ട്ടു​പ​ന്നി​യെ ശ​ല്യ​മൃ​ഗ​ത്തിന്റെ ഗ​ണ​ത്തി​ൽ പെ​ടു​ത്ത​ണ​മെ​ന്ന ആവശ്യത്തിനായി പോരാടുന്നവർക്ക് മാത്രമേ ഇത്തവണ വോട്ട് ചെയ്യുന്ന കാര്യം ആലോചിക്കൂ എന്നും അവർ പറയുന്നു.

കാ​ട്ടു​പ​ന്നി​യു​ടെ​ ​ആ​ക്ര​മ​ണ​ത്തിൽ
കാ​ലെ​ല്ല് ​ത​ക​ർ​ന്ന് ​യു​വാ​വ്

പേ​രാ​മ്പ്ര​ ​(​കോ​ഴി​ക്കോ​ട്)​:​ ​വ​ന്യ​മൃ​ഗ​ ​ശ​ല്യ​ത്തി​ന് ​പ​രി​ഹാ​രം​ ​തേ​ടി​ ​പൂ​ഴി​ത്തോ​ട്ടി​ൽ​ ​മു​മ്പ് ​ഉ​പ​വാ​സ​ ​സ​മ​ര​മി​രു​ന്ന​ ​കെ.​സി.​വൈ.​എം​ ​താ​മ​ര​ശേ​രി​ ​രൂ​പ​ത​ ​ട്ര​ഷ​റ​ർ​ ​റി​ച്ചാ​ർ​ഡ് ​ജോ​ണി​ന് ​(25​)​ ​കാ​ട്ടു​പ​ന്നി​യു​ടെ​ ​ആ​ക്ര​മ​ണ​ത്തി​ൽ​ ​ഗു​രു​ത​ര​ ​പ​രി​ക്ക്.
ബൈ​ക്കി​ൽ​ ​പോ​ക​വേ​ ​കാ​ട്ടു​പ​ന്നി​ ​ഇ​ടി​ച്ചി​ട്ട​തോ​ടെ​ ​തെ​റി​ച്ചു​ ​വീ​ണ് ​കാ​ലെ​ല്ല് ​ത​ക​ർ​ന്ന​ ​റി​ച്ചാ​ർ​ഡി​നെ​ ​മൊ​ട​ക്ക​ല്ലൂ​രി​ലെ​ ​സ്വ​കാ​ര്യ​ ​മെ​ഡി​ക്ക​ൽ​ ​കോ​ളേ​ജ് ​ആ​ശു​പ​ത്രി​യി​ൽ​ ​അ​ടി​യ​ന്ത​ര​ ​ശ​സ്ത്ര​ക്രി​യ​യ്ക്ക് ​വി​ധേ​യ​നാ​ക്കി.​ ​കാ​ലി​ൽ​ ​സ്റ്റീ​ൽ​ ​റോ​ഡ് ​ഘ​ടി​പ്പി​ക്കേ​ണ്ടി​ ​വ​ന്നു.
താ​മ​ര​ശേ​രി​യി​ലെ​ ​സ്വ​കാ​ര്യ​ ​സ്ഥാ​പ​ന​ത്തി​ലെ​ ​ജോ​ലി​ ​ക​ഴി​ഞ്ഞ് ​രാ​ത്രി​ ​മ​ട​ങ്ങു​ന്ന​തി​നി​ടെ​ ​പൊ​ടു​ന്ന​നെ​യാ​യി​രു​ന്നു​ ​കാ​ട്ടു​പ​ന്നി​യു​ടെ​ ​ആ​ക്ര​മ​ണം.