ഫറോക്ക്: സ്ഥാനാർത്ഥിയ്ക്ക് കെട്ടിവെയ്ക്കാനുള്ള തുക നാഷണൽ ഫുട്പാത്ത് ഉന്തുവണ്ടി പെട്ടിക്കട തൊഴിലാളി യൂണിയൻ (ഐ.എൻ.ടി.യു .സി) നൽകി. യൂണിയൻ ഫറോക്ക് യൂണിറ്റാണ് മുനിസിപ്പാലിറ്റി നാലാം വാർഡ് യു.ഡി.എഫ് സ്വതന്ത്ര സ്ഥാനാർത്ഥി വി.എ.വിധുബാലയ്ക്ക് കെട്ടി വെയ്ക്കാനുള്ള തുക നൽകിയത്. സംസ്ഥാന ട്രഷറർ എം.സതീഷ്കുമാർ തുക കൈമാറി.സ്ഥാനാർത്ഥിയെ മുതിർന്ന ഐ.എൻ.ടി.യു.സി നേതാവ് കെ.ടി.വിജയൻ ഷാൾ അണിയിച്ചു.ജി.മോഹനൻ, ചെറുകുറ്റി ബാബു, കുറ്റിങ്ങാംപറമ്പിൽ മുഹമ്മദ്,പി.മുഹമ്മദ്കുട്ടി എന്നിവർ പങ്കെടുത്തു.