കോട്ടയം. സംസ്ഥാനത്തെ എയ്ഡഡ് വിദ്യാഭ്യാസമേഖലയിൽ 2016 മുതൽ ജോലി ചെയ്യുന്ന നിരവധി അദ്ധ്യാപകരുടെ നിയമന അംഗീകാരവിഷയത്തിൽ അനുകൂല തീരുമാനമെടുത്ത സംസ്ഥാന സർക്കാരിന്റെ നടപടി അദ്ധ്യാപകസമൂഹത്തിന് ആശ്വാസമേകുമെന്ന് ജോസ് കെ.മാണി. എയ്ഡഡ് വിദ്യാഭ്യാസമേഖലയിൽ മൂവായിരത്തിലേറെ അദ്ധ്യാപകരാണ് വേതനമില്ലാതെയും, നിയമനാംഗീകാരം ലഭിക്കാതെയും ജോലി ചെയ്തിരുന്നത്. ഇക്കാര്യം ഉന്നയിച്ച് മുഖ്യമന്ത്രി പിണറായി വിജയനെ നേരിൽകണ്ട് നിവേദനം നൽകുകയും അദ്ധ്യാപകസമൂഹത്തിന്റെ ആശങ്ക അറിയിക്കുകയും ചെയ്തിരുന്നു. അടിയന്തിര ഇടപെടൽ നടത്തിയ സംസ്ഥാന സർക്കാരിനെ അഭിനന്ദിക്കുന്നതായും ജോസ് കെ.മാണി പറഞ്ഞു.