ബൈസൺവാലി. ടീകമ്പനിയിൽ ആട്ടോറിക്ഷ മറിഞ്ഞ് ഡ്രൈവർ മരിച്ചു. ടീകമ്പനി മേട്ടേൽ ജയറാം (36) ആണ് മരിച്ചത്.
ബുധനാഴ്ച്ച വൈകിട്ടാണ് അപകടം നടന്നത്. ജയറാം ഓടിച്ചിരുന്ന ഓട്ടോറിക്ഷ കയറ്റം കയറുന്നതിനിടെ മറിയുകയായിരുന്നു. ഇതിനടിയിൽപ്പെട്ട ഇയാളെ നാട്ടുകാർ ചേർന്ന് പുറത്തെടുത്ത് അടിമാലിയിലെ ആശുപത്രിയിൽ എത്തിച്ചു. പുറമെ പരിക്കൊന്നും ഉണ്ടായിരുന്നില്ലെങ്കിലും നില വഷളായതിനെ തുടർന്ന് കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. എന്നാൽ രാത്രിയോടെ മരണപ്പെടുകയുമായിരുന്നു. രാജാക്കാട് പൊലീസ് മേൽ നടപടി സ്വീകരിച്ചു. മെഡിക്കൽ കോളേജിൽ സൂക്ഷിച്ചിരിക്കുന്ന മൃതദേഹം കൊവിഡ് പരിശോധനാ ഫലത്തിനും പോസ്റ്റ് മോർട്ടത്തിനും ശേഷം ബന്ധുക്കൾക്ക് കൈമാറും.

ഭാര്യ :ചിത്ര. മക്കൾ: ജഗൻ, ജയലക്ഷ്മി.