ചങ്ങനാശേരി: കഴിഞ്ഞ 45 വർഷമായി സഞ്ചാരയോഗ്യമല്ലാതിരുന്ന റോഡ് നാട്ടുകാരുടെ കഠിനപരിശ്രമത്തിന്റെ ഫലമായി നന്നായി. വട്ടച്ചാൽ പടിയിൽ നിന്ന് കുറുമ്പനാടം, പെരുമ്പനച്ചി ഭാഗങ്ങളിലെ ജനങ്ങൾക്ക് പ്രയോജനപ്പെടും വിധം 19 ാം വാർഡിന്റെ കിഴക്കേ അതിർത്തിയായ പ്രാക്കുളം പാലത്തിന്റെ മുന്നിലൂടെയുള്ള മുക്കാൽ കിലോമീറ്റർ വരുന്ന ലിങ്ക് റോഡിന്റെ പണിയാണ് പൂർത്തിയായത്. തിരക്കേറിയ തെങ്ങണാ കവലയിൽ ചെല്ലാതെ ചീരഞ്ചിറയിൽ നിന്ന് ബൈപാസ് റോഡിൽ നിന്നും പെരുമ്പനച്ചിയിലേക്കും കുറുമ്പനാടം പള്ളിയിലേക്കും വിദ്യാലയങ്ങളിലേക്കും വാഴൂർ റോഡുവഴി പോകേണ്ടവർക്കും ഏറെ പ്രയോജനകരമാകും ലിങ്ക് റോഡ്. റോഡിന്റെ ഉദ്ഘാടനം മാടപ്പള്ളി പഞ്ചായത്ത് പ്രസിഡന്റ് ലൈസമ്മ മുളവന നിർവ്വഹിച്ചു. വാർഡ് മെമ്പർ നിഷാ ബിജു അദ്ധ്യക്ഷത വഹിച്ചു. റസിഡൻസ് അസോസിയേഷൻ പ്രസിഡന്റ് മൈത്രീ ഗോപീകൃഷ്ണൻ ആമുഖ പ്രസംഗം നടത്തി. സെക്രട്ടറി മിനി സിബിച്ചൻ, കുഞ്ഞുകുഞ്ഞു കുട്ടി, പാപ്പച്ചൻ, വിനോദ് എന്നിവർ പങ്കെടുത്തു.