കോട്ടയം: ജില്ലയിൽ 406 പേർക്കു കൂടി കൊവിഡ് സ്ഥിരീകരിച്ചു. 402 പേർക്കും സമ്പർക്കം മുഖേനയാണ് . സംസ്ഥാനത്തിന് പുറത്തുനിന്നെത്തിയ നാലു പേർ രോഗബാധിതരായി. പുതുതായി 3493 പരിശോധനാഫലങ്ങളാണ് ലഭിച്ചത്.

രോഗം ബാധിച്ചവരിൽ 168 പുരുഷൻമാരും 181 സ്ത്രീകളും 57 കുട്ടികളും ഉൾപ്പെടുന്നു. 60 വയസിനു മുകളിലുള്ള 82 പേർക്ക് കൊവിഡ് സ്ഥിരീകരിച്ചിട്ടുണ്ട്.

624 പേർ രോഗമുക്തി നേടി. രോഗം സ്ഥിരീകരിച്ചവരിൽ നിലവിൽ 4597 പേരാണ് ചികിത്സയിലുള്ളത്. ഇതുവരെ ആകെ 27181 പേർ കൊവിഡ് ബാധിതരായി. 22536 പേർ രോഗമുക്തി നേടി. ജില്ലയിൽ ആകെ 20931 പേർ ക്വാറന്റൈനിൽ കഴിയുന്നുണ്ട്. കോട്ടയം നഗരസഭയിലാണ് ഏറ്റവും കൂടുതൽ രോഗികൾ. 50 പേർക്കാണ് രോഗം ബാധിച്ചത്. ഈരാറ്റുപേട്ടയിൽ 23 പേർക്കും ഏറ്റുമാനൂരിൽ 19 പേർക്കും രോഗംബാധിച്ചു.