അടിമാലി: കിണറ്റിലകപ്പെട്ട കേഴമാൻ കുഞ്ഞിനെ വനംവകുപ്പുദ്യോഗസ്ഥർ എത്തി കരയ്ക്ക് കയറ്റി .അടിമാലി പ്രിയദർശിനി കോളനിയിലെ ചെറിയ കിണറ്റിലായിരുന്നു തിങ്കളാഴ്ച്ച രാവിലെ കേഴമാനെ കണ്ടെത്തിയത്.നാട്ടുകാർ വിവരമറിയിച്ചതിനെ തുടർന്ന് കൂമ്പൻപാറ ഫോറസറ്റ് റേഞ്ച് ഓഫീസിലെ വനപാലകർ സ്ഥലത്തെത്തി കേഴമാനിനെ കിണറ്റിൽ നിന്നും രക്ഷിച്ചു.കിണറ്റിൽ നിന്നും രക്ഷപ്പെടുവാനുള്ള ശ്രമത്തിനിടയിൽ കേഴമാൻ കുഞ്ഞിന്റെ കഴുത്തിൽ പരിക്കുകൾ സംഭവിച്ചിരുന്നു.സെക്ഷൻ ഫോറസ്റ്റ് ഓഫീസർ പി കെ സന്തോഷിന്റെ നേതൃത്വത്തിലുള്ള വനപാലക സംഘമാണ്രക്ഷിച്ച് അടിമാലി മൃഗാശുപത്രിയിൽ എത്തിച്ച് ചികിത്സ ലഭ്യമാക്കിയത്.കേഴമാനിനെ വനത്തിൽ തുറന്നു വിടുമെന്നും വനംവകുപ്പുദ്യോഗസ്ഥർ അറിയിച്ചു.