കോട്ടയം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് ബ്ലോക്ക്, മുനിസിപ്പാലിറ്റി തലങ്ങളിലെ മാസ്റ്റർ ട്രെയിനർമാരുടെ പരിശീലനം ആരംഭിച്ചു. മുനിസിപ്പാലിറ്റി തലത്തിൽ 18 ഉം ബ്ലോക്ക് തലത്തിൽ 37ഉം മാസ്റ്റർ ട്രെയിനർമാരുമാണുള്ളത്.

കളക്ട്രേറ്റ് വളപ്പിലെ ദേശീയ സമ്പാദ്യപദ്ധതി ഹാളിൽ കൊവിഡ് 19 സുരക്ഷാ മാനദണ്ഡങ്ങൾ പാലിച്ചാണ് പരിശീലനം.ആദ്യ ദിവസമായ ഇന്നലെ മുനിസിപ്പാലിറ്റി തലത്തിലെ മാസ്റ്റർ ട്രെയിനർമാരാണ് പങ്കെടുത്തത്. ബ്ലോക്ക് തലത്തിലുള്ളവർക്ക് ഇന്നാണ് പരിശീലനം. തിരഞ്ഞെടുപ്പ് നടപടിക്രമങ്ങൾ, ഇലക്ട്രോണിക് വോട്ടിംഗ് മെഷീനുകളുടെ ഉപയോഗം,പോളിംഗ്, വോട്ടെണ്ണൽ, എന്നിവ സംബന്ധിച്ചാണ് വിശദമാക്കുന്നത്.

പഞ്ചായത്ത് ഡെപ്യൂട്ടി ഡയറക്ടർ ബിനു ജോണാണ് ചാർജ് ഓഫീസർ. ജിലാ തല മാസ്റ്റർ ട്രെയിനർമാരാണ് ക്ലാസ് നയിക്കുന്നത്. ഡെപ്യൂട്ടി തഹസിൽദാർമാരായ കെ.എ തോമസ്, ആർ. രാജേഷ്, ചങ്ങനാശേരി മുനിസിപ്പാലിറ്റി സൂപ്രണ്ട് എ.എസ്. വിജമോൻ, പെർഫോമൻസ് ഓഡിറ്റ് യൂണിറ്റ് സൂപ്പർ വൈസർ സി.ആർ. പ്രസാദ്, പഞ്ചായത്ത് ഡെപ്യൂട്ടി ഡയറക്ടർ ഓഫീസിലെ സീനിയർ സൂപ്രണ്ട് കെ. ബാബുരാജ് എന്നിവരാണ് ജില്ലാതല മാസ്റ്റർ ട്രെയിനർമാർ.