കോട്ടയം : സേവ് തിരുവിതാംകൂർ ദേവസ്വം ബോർഡ് സേവ് ശബരിമല എന്ന് പ്രഖ്യാപിച്ച് തിരുവിതാംകൂർ ദേവസ്വം എംപ്ലോയീസ് ഫ്രണ്ട് സംസ്ഥാന ഭാരവാഹികൾ ഉപവാസം ആരംഭിച്ചു. ഐക്യദാർഢ്യം പ്രഖ്യാപിച്ച് നെയ്യാറ്റിൻകര മുതൽ വടക്കൻ പറവൂർ വരെ 101 കേന്ദ്രങ്ങളിൽ സംരക്ഷണ കൂട്ടായ്മ സംഘടിപ്പിച്ചു. ടി.ഡി.ഇ.എഫ് കോട്ടയം ഗ്രൂപ്പും വിവിധ സബ് ഗ്രൂപ്പ് കമ്മറ്റികളും സംയുക്തമായി കോട്ടയം ഗാന്ധിസ്വകയറിലും കോട്ടയം എ.സി.ഓഫീസ് പടിക്കലും സംരക്ഷണ കൂട്ടായ്മ നടത്തി. തിരുനക്കര ഗാന്ധി സ‌്‌ക്വയറിൽ ഡി.സി.സി പ്രസിഡന്റ് ജോഷി ഫിലിപ്പും, എ.സി ഓഫീസ് പടിക്കൽ ഡി.സി.സി വൈസ് പ്രസിഡന്റ് ജി.ഗോപകുമാറും ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി തുറവുർ പ്രേംകുമാർ, ജില്ലാ സെക്രട്ടറി പാമ്പാടി സുനിൽശാന്തി, അഡ്വ. എൻ.എസ് ഹരിശ്ചന്ദ്രൻ, സി.ആർ.അനൂപ്, കെ അജിത്ത്, തുറവുർ രാജ് കുമാർ, ജി.പ്രദീപ്, സജീഷ് പാറപ്പാടം ബിപിൻ തുടങ്ങിയവർ പങ്കെടുത്തു.