കോട്ടയം: ജില്ലയിൽ 426 പേർക്ക് കൂടി കൊവിഡ് സ്ഥിരീകരിച്ചു. ഇതിൽ 420 പേർക്കും സമ്പർക്കം മുഖേനയാണ് . സംസ്ഥാനത്തിനു പുറത്തു നിന്നെത്തിയ ആറു പേർ രോഗബാധിതരായി. പുതിയതായി 4529 പരിശോധനാഫലങ്ങളാണ് ലഭിച്ചത്.

രോഗം ബാധിച്ചവരിൽ 201 പുരുഷൻമാരും 176 സ്ത്രീകളും 49 കുട്ടികളും ഉൾപ്പെടുന്നു. 60 വയസിന് മുകളിലുള്ള 66 പേർക്ക് കൊവിഡ് സ്ഥിരീകരിച്ചിട്ടുണ്ട്. 361പേർ രോഗമുക്തി നേടി. രോഗം സ്ഥിരീകരിച്ചവരിൽ നിലവിൽ 4455 പേരാണ് ചികിത്സയിലുള്ളത്. ഇതുവരെ ആകെ 27823 പേർ കൊവിഡ് ബാധിതരായി. 23320 പേർ രോഗമുക്തി നേടി. ജില്ലയിൽ ആകെ 20908 പേർ ക്വാറന്റൈനിൽ കഴിയുന്നുണ്ട്. കോട്ടയം നഗരസഭാ പരിധിയിൽ 48 പേർക്കും ഈരാറ്റുപേട്ടയിൽ 28 പേർക്കും ചങ്ങനാശേരിയിൽ 23 പേർക്കും രോഗം ബാധിച്ചു.