അടിമാലി :രാജാക്കാട് കുത്തുങ്കലിൽ കഞ്ചാവ് കച്ചവടം നടത്തിവന്ന ദമ്പതികളെ പിടികൂടി. കുത്തുങ്കൽ കട നടത്തുന്ന ഉടുമ്പനാട്ട് വീട്ടിൽ വേണു (67), ഭാര്യ ഓമന (60) എന്നിവരെയാണ് അറസ്റ്റ് ചെയ്തത്. ഉടുമ്പൻചോല എക്‌സൈസ് സർക്കിൾ ഓഫീസിന്റെയും ഇന്റലിജൻസ് ബ്യൂറോയുടെയും സംയുക്ത പരിശോധനയിലാണ് ഇവർ പിടിയിലായത്.24 പൊതികളിലായി സൂക്ഷിച്ച 80 ഗ്രാം കഞ്ചാവും പിടിച്ചെടുത്തു. ഈ കട കേന്ദ്രീകരിച്ച് ചെറുപ്പക്കാർക്ക് കഞ്ചാവ് വില്പന നടത്തുന്നതായുള്ള ഇന്റലിജൻസ് റിപ്പോർട്ടിനെ തുടർന്നാണ് പരിശോധന നടത്തിയത്. പൊതിയൊന്നിന് 200 രൂപയ്ക്കാണ് വില്പന നടത്തിയിരുന്നത്. സർക്കിൾ ഇൻസ്‌പെക്ടർ കെ.സന്തോഷ് കുമാറിന്റെ നേതൃത്വത്തിൽ നടത്തിയ പരിശോധനയിൽ ഇന്റലിജൻസ് ബ്യൂറോ പ്രിവന്റീവ് ഓഫീസർ പ്രമോദ് എം.പി., സർക്കിൾ ഓഫീസിലെ പ്രിവന്റീവ് ഓഫീസർ കെ.എൻ. രാജൻ, സിവിൽ എക്‌സൈസ് ഓഫീസർമാരായ ഷനേജ്.കെ, നൗഷാദ് എം, ജിബിൻ ജോസഫ് , ജോജി.ഇ.സി, വനിത സിവിൽ എക്‌സൈസ് ഓഫീസർ മായ. എസ് എന്നിവർ പങ്കെടുത്തു