വൈക്കം : സൈനികരുടെ പെൻഷൻ പ്രായം ഉയർത്തുവാനും വിരമിക്കുന്നവരുടെ പെൻഷൻ പകുതിയായി കുറയ്ക്കാനുമുള്ള ശുപാർശ പുനഃപരിശോധിക്കണമെന്നാവശ്യപ്പെട്ട് കേരള സ്റ്റേറ്റ് എക്‌സ് സർവീവീസ് ലീഗ് വൈക്കം യൂണിറ്റിന്റെ നേതൃത്വത്തിൽ സത്യാഗ്രഹ സ്മാരകത്തിലെ ഗാന്ധി പ്രതിമയ്ക്ക് മുന്നിൽ പ്രതിഷേധ ധർണ നടത്തി. പ്രസിഡന്റ് കെ.ടി രാമകുമാർ ഉദ്ഘാടനം ചെയ്തു. സി.ആർ.ജി നായർ അദ്ധ്യക്ഷത വഹിച്ചു. ക്യാപ്റ്റൻ എസ്. എസ്.സിദ്ധാർത്ഥൻ, ഫിലിപ്പ് തോമസ്, പി. എസ്. വിലാസൻ, ഗോപി ശങ്കർ, എൻ. ഹരിദാസ് എന്നിവർ പ്രസംഗിച്ചു.