അടിമാലി: മന്നാങ്കാല മേഖലയിൽ ആരോഗ്യ വകുപ്പിന്റെ നേതൃത്വത്തിൽ ആന്റിജൻ പരിശോധന നടത്തി.കഴിഞ്ഞ ദിവസങ്ങളിൽ മന്നാങ്കാല മേഖലയിൽ കൊവിഡ് കേസുകൾ റിപ്പോർട്ട് ചെയ്യപ്പെട്ട സാഹചര്യത്തിലാണ് ആരോഗ്യ വകുപ്പിന്റെ നടപടി.അടിമാലി ഗ്രാമപഞ്ചായത്തിൽ ഇതുവരെ 367 പേർക്ക് കൊവിഡ് രോഗം റിപ്പോർട്ട് ചെയ്യപ്പെട്ടതായി ദേവിയാർ കോളനി പ്രാഥമികാരോഗ്യ കേന്ദ്രം ഹെൽത്ത് ഇൻസ്‌പെക്ടർ ഇ ബി ദിനേശൻ പറഞ്ഞു.നൂറ്റിമുപ്പത്തേഴോളം ആളുകളെയാണ് മന്നാങ്കാലായിൽ തിങ്കളാഴ്ച്ച ആരോഗ്യവകുപ്പ് ആന്റിജൻ പരിശോധനക്ക് വിധേയരാക്കിയത്.ആരോഗ്യവകുപ്പിന്റെ നേതൃത്വത്തിൽ എല്ലാം ചൊവ്വാഴ്ച്ചകളിലും ദേവിയാർ കോളനി പ്രാഥമികാരോഗ്യ കേന്ദ്രത്തിലും വെള്ളിയാഴ്ച്ചകളിൽ അടിമാലി പഞ്ചായത്ത് ടൗൺ ഹാളിലും ആന്റിജൻ പരിശോധന നടത്തുന്നുണ്ട്.150തിനടുത്ത ആളുകൾ കൊവിഡ് സെന്ററിലും വീടുകളിലുമായി പഞ്ചായത്ത് പരിധിയിൽ നിരീക്ഷണത്തിൽ കഴിയുന്നതായി ആരോഗ്യവകുപ്പുദ്യോഗസ്ഥർ അറിയിച്ചു.പുതിയ കൊവിഡ് കേസുകൾ റിപ്പോർട്ട് ചെയ്യപ്പെടുന്ന സാഹചര്യത്തിൽ ക്ലസ്റ്ററുകളായി തിരിച്ച് അവിടങ്ങളിൽ പരിശോധന നടത്തിയാണ് അടിമാലി മേഖലയിൽ ആരോഗ്യവകുപ്പ് മുമ്പോട്ട് പോകുന്നത്.