കട്ടപ്പന: കൊവിഡ് ബാധിച്ച് ചികിത്സയിലായിരുന്ന വൃദ്ധ മരിച്ചു. ഇരട്ടയാർ ചക്കക്കാനം കുഴിപ്പള്ളിൽ മാത്യുവിന്റെ ഭാര്യ ചിന്നമ്മ (81) യാണ് മരിച്ചത്. കഴിഞ്ഞ 13ന് കട്ടപ്പനയിലെ സ്വകാര്യ ആശുപത്രിയിൽ നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. തുടർന്ന് ഇടുക്കി മെഡിക്കൽ കോളജ് ആശുപത്രിയിൽ ചികിത്സയിലിരിക്കെ വ്യാഴാഴ്ച പുലർച്ചെ മരിച്ചു. വാർദ്ധക്യസഹജമായ അസുഖങ്ങളും ചിന്നയ്ക്ക് ഉണ്ടായിരുന്നു. ഇരട്ടയാർ പഞ്ചായത്തിലെ ആദ്യ കൊവിഡ് മരണമാണിത്. സംസ്കാരം നടത്തി. മക്കൾ: പ്രദീപ്, ജോജി, സന്തോഷ്. മരുമക്കൾ: റോസിലി, സാലമ്മ, മിനു.