പാലാ : വിരമിക്കുന്ന സൈനികരുടെ പെൻഷൻ പകുതിയായി കുറയ്ക്കാനും സൈനികരുടെ പെൻഷൻ പ്രായം ഉയർത്തണമെന്നുമുള്ള സംയുക്ത സൈനിക മേധാവി ജനറൽ വിപിൻ റാവത്തിന്റെ ശുപാർശ തളളിക്കളയണമെന്ന് മാണി സി കാപ്പൻ എം.എൽ.എ ആവശ്യപ്പെട്ടു. മിലിട്ടറികാര്യ വകുപ്പിന്റെ ഈ നിർദ്ദേശം സൈനികരുടെ മനോവീര്യം തകർക്കും. വിരമിച്ച സൈനികർപോലും തങ്ങളുടെ പെൻഷൻ അനിശ്ചിതത്വത്തിലായേക്കുമെന്ന ആശങ്ക ഉയർത്തിയിട്ടുണ്ട്. വ്യക്തത ഇല്ലാത്ത നിർദ്ദേശം തങ്ങളെ ബാധിക്കുമെന്ന വിരമിച്ച സൈനികരുടെ ആശങ്ക പരിഹരിക്കാൻ കേന്ദ്രസർക്കാർ അടിയന്തിര നടപടി സ്വീകരിക്കണം. കാര്യശേഷി കൂടുതൽ ഉള്ളവർ സൈന്യത്തിനു വേണമെന്നിരിക്കെ പെൻഷൻ പ്രായം ഉയർത്തുന്നത് ശരിയല്ല. ജീവിതത്തിന്റെ നല്ലഭാഗം സൈനിക സേവനം അനുഷ്ഠിക്കുന്ന സൈനികരോട് അനീതിക്കാട്ടെരുതെന്നും അദ്ദേഹം ആവശ്യപ്പെട്ടു.