വൈക്കം : വൈക്കത്തഷ്ടമി മൂന്നാം ഉത്സവദിവസമായ ഇന്നു മുതൽ എഴുന്നള്ളിപ്പുകളുടെ പ്രൗഡിയേറും. ചട്ടം ഉപയോഗിച്ചുള്ള എഴുന്നള്ളിപ്പാണ് ഇന്നു മുതൽ നടക്കുന്നത്. അഷ്ടമിയുടെ മൂന്നാം ഉത്സവം മുതൽ രാവിലെ 8 ന് ആരംഭിക്കുന്ന ശ്രീബലി കിഴക്കേ ആനപന്തലിലാണ് നടക്കുന്നത്. കിഴക്കേ ആനപന്തലിൽ എഴുന്നള്ളിപ്പ് എത്തിയാൽ വെച്ചൂർ രാജേഷ്, കലാപീഠം ബാബു, വെച്ചുർ വൈശാഖ് വൈക്കം ജയൻ, വൈക്കം കാർത്തിക് എന്നിവരുടെ നേത്യത്വത്തിൽ കൊട്ടിപ്പാടി സേവയും തുടർന്ന് നാദസ്വരമേളവും ഉണ്ടാവും. ഇന്ന് മുതൽ നടക്കുന്ന വിളക്കെഴുന്നള്ളിപ്പിന് അഞ്ചു പ്രദക്ഷിണമാണ് ഉണ്ടാവുക. രാത്രി 9ന് വിളക്കെഴുന്നള്ളിപ്പിന് നാദസ്വരം, പരുഷവാദ്യം, പഞ്ചവാദ്യം, ചെണ്ടമേളം, ഘട്ടിയം എന്നിവ ഉപയോഗിക്കും