വൈക്കം: അഷ്ടമിയുടെ പ്രധാന ചടങ്ങായ ഉത്സവബലി നാളെ ആരംഭിക്കും. ഉത്സവത്തിന്റെ 5,6,8, 11 ദിവസങ്ങളിലാണ് ഉത്സവബലി നടത്തുനത്. തന്ത്രി മുഖ്യൻമാരുടെ കാർമ്മികത്വത്തിലാണ് ചടങ്ങ്. രാവിലെ ശ്രീബലി കഴിഞ്ഞാൽ ശ്രീഭൂതബലിക്കു പകരം ഉൽസവബലി നടത്തും. നാലമ്പലത്തിനകത്തും പുറത്തുമുള്ള ദേവപാർഷദന്മാർക്കും തൽ പാർഷദ ന്മാർക്കും ജല ഗന്ധ പുഷ്പ ധൂപ ദീപ മേതം ഹവിസ് ബലി അർപ്പിക്കുന്നതാണ് ചടങ്ങ്. ദേവാസുര, ഗന്ധർവ്വ, യക്ഷ, പിത്യ, നാഗ, രാക്ഷസ, പിശാച ഗേഹങ്ങളിലുള്ള എല്ലാവരെയും സങ്കൽപ്പിച്ച് ഹവിസ്സ് തൂകുന്ന ചടങ്ങും ഉത്സവബലിയുടെ ഭാഗമാണ്. ശ്രീ ഭൂതബലിക്കും ഉത്സവബലിക്കും ആറാട്ടിനും മാത്രമാണ് വിശേഷപ്പെട്ട മൂല ബിംബം ശ്രീകോവിലിൽ നിന്നും പുറത്തേക്ക് എഴുന്നള്ളിക്കുന്നത്.