ചെറിയ കുട്ടികൾ പാട്ടുപാടുന്നതിന്റെയും, ഡാൻസ് കളിക്കുന്നതിന്റെയുമൊക്കെ വീഡിയോ സോഷ്യൽ മീഡിയയിൽ വൈറലാകാറുണ്ട്. അത്തരത്തിൽ 'വന്ദേമാതരം' പാടുന്ന നാലുവയസുകാരിയായ എസ്തർ നാംതേയുടെ വീഡിയോ സമൂഹമാദ്ധ്യമങ്ങളിൽ തരംഗമായിക്കൊണ്ടിരിക്കുകയാണ്. പ്രധാനമന്ത്രി നരേന്ദ്ര മോദി പോലും കുട്ടിയുടെ പാട്ടിനെ അഭിനന്ദിച്ച് രംഗത്തെത്തിയിട്ടുണ്ട്.

എസ്തർ മിസോറാം സ്വദേശിയാണ്. മിസോറാം മുഖ്യമന്ത്രി സോറാംതംഗയാണ് എസ്തർ പാടിയ 'മാ.. തുച്ഛേ സലാം..വന്ദേമാതരത്തിന്റെ' വീഡിയോ ആദ്യം ട്വീറ്റ് ചെയ്തത്. നരേന്ദ്ര മോദിയും ഇത് റീട്വീറ്റ് ചെയ്തിട്ടുണ്ട്.

Mesmerizing Esther Hnamte, a 4-years-old kid from Lunglei, Mizoram singing
Maa Tujhe Salaam; Vande Mataram https://t.co/at40H8j3zv pic.twitter.com/O1Nq2LxACK

— Zoramthanga (@ZoramthangaCM) October 30, 2020

എസ്തറിനെ ഓർത്ത് അഭിമാനമുണ്ടെന്നാണ് മോദി വീഡിയോ പങ്കുവച്ചുകൊണ്ട് കുറിച്ചിരിക്കുന്നത്. ലക്ഷക്കണക്കിന് ആളുകളാണ് പാട്ട് ലൈക്ക് ചെയ്തിരിക്കുന്നത്. ഒരുപാടാളുകൾ വീഡിയോ ഷെയർ ചെയ്തിട്ടുണ്ട്. നാലുവയസുകാരിയെ അഭിനന്ദിച്ച് നിരവധി പേരാണ് രംഗത്തെത്തിക്കൊണ്ടിരിക്കുന്നത്.

Adorable and admirable! Proud of Esther Hnamte for this rendition. https://t.co/wQjiK3NOY0

— Narendra Modi (@narendramodi) October 31, 2020