നടി മേഘ്ന രാജിനും അന്തരിച്ച നടൻ ചിരഞ്ജീവി സർജയ്ക്കും കുഞ്ഞ് പിറന്നത് വലിയ വാർത്തയായിരുന്നു.സോഷ്യൽ മീഡിയയിൽ കുഞ്ഞിന്റെ ചിത്രങ്ങൾ വൈറലായിരുന്നു. അമ്മയും കുഞ്ഞും ആശുപത്രി വിട്ട് വിട്ടിലെത്തിയതിന്റെ വിശേഷങ്ങളാണ് ഇപ്പോൾ പുറത്തുവരുന്നത്

ചിരഞ്ജീവിയുടെ പുനർജന്മമായാണ് എല്ലാവരും കുഞ്ഞിനെ വിശേഷിപ്പിക്കുന്നത്. ഇപ്പോഴിതാ കുട്ടിയുടെ ചെല്ലപ്പേര് വെളിപ്പെടുത്തിയിരിക്കുകയാണ് മേഘ്നയുടെ പിതാവ് സുന്ദർ രാജ്. 'ചിന്റുവെന്നാണ് അവനെ ഞങ്ങൾ വിളിക്കുന്നത്. ചിരുവിന്റെ മകൻ ചിന്റു. അവന്റെ വരവിൽ എല്ലാവരും ത്രില്ലിലാണ്'- അദ്ദേഹം പറഞ്ഞു.

ബന്ധുക്കളെയും സുഹൃത്തുക്കളെയുമൊക്കെ വിളിച്ച് കുട്ടിയുടെ പേരിടൽ ചടങ്ങ് നടത്തുമെന്നും അദ്ദേഹം പറയുന്നു. ആചാരപ്രകാരമുള്ള രീതിയിലായാരിക്കും ചടങ്ങുകൾ നടത്തുന്നത്. ആ ചടങ്ങിൽ വെച്ച് അവന്റെ പേര് പുറത്തുവിടുമെന്നും സുന്ദർരാജ് വ്യക്തമാക്കി.