ദുബായ് : ടീമിന്റെ മോശം പ്രകടനത്തിന്റെ പേരിൽ എം.എസ് ധോണി ഈ സീസണോടെ ഐ.പി.എല്ലിൽ നിന്നും വിരമിക്കുമോ എന്ന ആശങ്കയ്ക്ക് നോ എന്ന മറുപടിയുമായി ചെന്നൈ നായകൻ. ഇന്നലെ പഞ്ചാബിനെതിരായ മത്സരത്തിന് ടോസിടാനെത്തിയപ്പോൾ കമന്റേറ്റർ ഡാനി മോറിസണാണ് ഇക്കാര്യം ധോണിയോട് ചോദിച്ചത്. തീർച്ചയായും അല്ല എന്നാണ് ധോണി മറുപടി നൽകിയത്.സീസണിലെ ചെന്നൈയുടെ അവസാന മത്സരമായിരുന്നു ഇത്. അടുത്തകൊല്ലത്തേക്കുകൂടി ചെന്നൈയുമായി ധോണിക്ക് കരാർ ഉണ്ട്.