ഇസ്​താംബൂൾ: തുർക്കി ഭൂചലനത്തിൽ മരണസംഖ്യ 53 ആയി ഉയർന്നു. അപകടത്തിൽ പരിക്കേറ്റ 214 പേർ വിവിധ ആശുപത്രികളിൽ ചികിത്സയിലാണ്. 682 പേർ ആശുപത്രിവിട്ടു. ആകെ 900 പേർക്ക് പരിക്കേറ്റതായാണ് വിവരം. കെട്ടിടാവശിഷ്​ടങ്ങൾക്കിടയിൽ കുടുങ്ങിയവരെ പുറത്തെടുക്കാനുള്ള രക്ഷാപ്രവർത്തനങ്ങൾ ഊർജിതമാക്കിയതായി തുർക്കി വൈസ് പ്രസിഡന്റ് ഫുആദ് ഒക്തായി പറഞ്ഞു. 30 ലക്ഷത്തോളം പേർ വസിക്കുന്ന ഇസ്​മിറിലാണ് ഭൂചലനം കനത്ത നാശനഷ്​ടമുണ്ടാക്കിയത്.