വെല്ലിംഗ്ടൺ:എറണാകുളം സ്വദേശിനി പ്രിയങ്ക രാധാകൃഷ്ണൻ ന്യൂസിലൻഡ് മന്ത്രിസഭയിൽ അംഗമായി ചുമതലയേൽക്കും. ആദ്യമായിട്ടാണ് ന്യൂസിലൻഡിൽ ഒരു ഇന്ത്യക്കാരി മന്ത്രിയാവുന്നത്. സാമൂഹികം, യുവജനക്ഷേമം, സന്നദ്ധ മേഖലകളുടെ ചുമതല തുടങ്ങിയ വകുപ്പുകളാണ് പ്രിയങ്ക വഹിക്കുക.തൊഴില്‍ സഹമന്ത്രി ചുമതല കൂടി ഇവര്‍ക്ക് നല്‍കിയിട്ടുണ്ട്.
കഴിഞ്ഞ പതിനാല് വർഷങ്ങളായി ലേബർ പാർട്ടി പ്രവർത്തകയാണ് പ്രിയങ്ക.കഴിഞ്ഞ മന്ത്രിസഭയില്‍ മന്ത്രിയായിരുന്ന ജെന്നി സെയില്‍സയുടെ പേഴ്‌സണല്‍ സെക്രട്ടറിയായിരുന്നു.ലേബര്‍ പാര്‍ട്ടി സര്‍ക്കാരിന്റെ രണ്ടാമത്തെ ടേമില്‍ അസിസ്റ്റന്റ് സ്പീക്കര്‍ പദവിയും പ്രിയങ്ക വഹിച്ചിരുന്നു.
പറവൂർ മാടവനപ്പറമ്പ് രാമൻ രാധാകൃഷ്ണൻ -ഉഷ ദമ്പതികളുടെ മകളാണ് പ്രിയങ്ക. ക്രൈസ്റ്റ് ചർച്ച് സ്വദേശിയും, ഐടി ജീവനക്കാരനുമായ റിച്ചാർഡ്സണാണു ഭർത്താവ്. വെല്ലിംഗ്ടൺ സർവകലാശാലയിൽ നിന്ന് ഡവലപ്‌മെന്റൽ സ്റ്റഡീസിൽ ബിരുദാനന്തര ബിരുദം നേടാനായിട്ടാണ് പ്രിയങ്ക ന്യൂസിലൻഡിലെത്തിയത്.