കൊല്ലം : കടൽക്ഷോഭത്തിൽ മത്സ്യബന്ധനോപാധികൾ നഷ്ടപ്പെട്ട 163 മത്സ്യത്തൊഴിലാളികൾക്ക് മൂന്നിന് 2.88 കോടി രൂപ നഷ്ടപരിഹാരമായി വിതരണം ചെയ്യും. ഉച്ചയ്ക്ക് 12ന് നടക്കുന്ന വീഡിയോ കോൺഫറൻസിലൂടെ മന്ത്രി ജെ. മേഴ്‌സിക്കുട്ടി അമ്മ പരിപാടിയുടെ ഉദ്ഘാടനം നിർവഹിക്കും. സ്പീക്കർ പി. ശ്രീരാമകൃഷ്ണൻ, മന്ത്രി ജി. സുധാകരൻ, മന്ത്രി ടി.എം. തോമസ് ഐസക് എന്നിവർ ചടങ്ങിൽ പങ്കെടുക്കും. കടൽ സുരക്ഷാ സ്‌ക്വാഡ് പരിശീലനം പൂർത്തിയാക്കിയ ഒമ്പത് മറൈൻ ജില്ലകളിലെ 300 മത്സ്യത്തൊഴിലാളി യുവാക്കൾക്ക് സുരക്ഷാ ഉപകരണങ്ങളായ ജി.പി.എഫ്, ലൈഫ്‌ബോയെ എന്നിവയും യൂണിഫോമും വിതരണം ചെയ്യും.ഓഖി ദുരന്തത്തിൽ നഷ്ടപരിഹാരം അനുവദിച്ച അതേ മാതൃകയിലാവും ഇതും വിതരണം ചെയ്യുക.