ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം നാല് കോടി എഴുപത്തി മൂന്ന് ലക്ഷം കടന്നു. ഇതുവരെ 4,73,10,657 പേർക്കാണ് വൈറസ് ബാധ സ്ഥിരീകരിച്ചത്. 12,10,983 പേർ മരണമടഞ്ഞു. രോഗമുക്തി നേടിയവരുടെ എണ്ണം 3,40,12,752 ആയി ഉയർന്നു.

ലോകത്ത് രോഗബാധിതരുടെ എണ്ണത്തിൽ ഒന്നാം സ്ഥാനത്തുള്ള അമേരിക്കയിൽ ഇതുവരെ തൊണ്ണൂറ്റിയഞ്ച് ലക്ഷത്തിലധികം പേർക്കാണ് കൊവിഡ് സ്ഥിരീകരിച്ചത്. മരണസംഖ്യയും കുതിച്ചുയരുകയാണ്. ഇതുവരെ 2,36,974 പേർ മരിച്ചു. രോഗമുക്തി നേടിയവരുടെ എണ്ണം അറുപത്തൊന്ന് ലക്ഷം പിന്നിട്ടു.

ഇന്ത്യയിൽ കൊവിഡ് മുക്തി നേടിയവരുടെ എണ്ണം എഴുപത്തിയഞ്ച് ലക്ഷത്തോടടുക്കുന്നു. കഴിഞ്ഞദിവസം 46,964 പേർക്കാണ് വൈറസ് ബാധ സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം 81,84,083ആയി.നിലവിൽ 5,70,458 പേരാണ് ചികിത്സയിൽ കഴിയുന്നത്.

ബ്രസീലിലും സ്ഥിതി ഗുരുതരമായി തുടരുകയാണ്. രാജ്യത്ത് ഇതുവരെ അമ്പത്തിയഞ്ച് ലക്ഷത്തിലധികം പേർക്കാണ് കൊവിഡ് സ്ഥിരീകരിച്ചത്. 1,60,272 പേർ മരിച്ചു. നാൽപത്തിയൊമ്പത് ലക്ഷം പേർ രോഗമുക്തി നേടി.