അബുദാബി : കൊവിഡ് 19 വാക്സിന്റെ ഡോസ് സ്വീകരിച്ച് യു.എ.ഇ പ്രധാനമന്ത്രി ഷെയ്ഖ് മുഹമ്മദ് ബിൻ റാഷിദ് അൽ മക്തും. ആരോഗ്യപ്രവർത്തകർ തനിക്ക് വാക്സിൻ കുത്തിവയ്ക്കുന്ന ചിത്രം ഉൾപ്പെടെ ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്.

' കൊവിഡ് 19 വാക്സിൻ സ്വീകരിക്കുന്ന ഈ വേളയിൽ എല്ലാവർക്കും സുരക്ഷയും മികച്ച ആരോഗ്യവും ഞങ്ങൾ നേരുന്നു. യു.എ.ഇയിൽ വാക്സിൻ ലഭ്യമാകുന്നതിന് വേണ്ടി അശ്രാന്തമായി പ്രവർത്തിച്ച ഞങ്ങളുടെ സംഘങ്ങളെ കുറിച്ച് ഞങ്ങൾക്ക് അഭിമാനമാണ്. യു.എ.ഇയിൽ ഭാവി എന്നും മികച്ചതായിരിക്കും. ' അദ്ദേഹം ട്വിറ്ററിൽ കുറിച്ചു.

While receiving the COVID-19 vaccine today. We wish everyone safety and great health, and we are proud of our teams who have worked relentlessly to make the vaccine available in the UAE. The future will always be better in the UAE. pic.twitter.com/Rky5iqgfdg

— HH Sheikh Mohammed (@HHShkMohd) November 3, 2020

കഴിഞ്ഞ കുറച്ച് ആഴ്ചകളായി യു.എ.ഇയിലെ ഏതാനും ചില മന്ത്രിമാരും കൊവിഡ് വാക്സിൻ സ്വീകരിച്ചിരുന്നു. ആരോഗ്യപ്രവർത്തകർ ഉൾപ്പെടെയുള്ള വിഭാഗത്തിന്റെ സുരക്ഷ ഉറപ്പാക്കുന്നതിനായിട്ടാണ് തങ്ങൾ പരീക്ഷിച്ചു കൊണ്ടിരുന്ന കൊവിഡ് വാക്സിന് അടിയന്തിര ഉപയോഗത്തിനുള്ള അനുമതി യു.എ.ഇ നൽകിയത്.